عاجل.. سيدة تحرر محضرًا ضد مسئولي مكان ترفيهي شهير للصغار فى كايرو فيستيفال وتتهمهم بالإهمال

اتهمت سيدة ، مكان ترفيهي للصغار فى كايرو فيستيفال، "باونس كايرو فيستيفال"، بالإهمال بعد تركهم ابنها الصغير فى الشارع وطرده .

وحررت السيدة محضر ضد مسئولي المكان ، قائلة: «النهاردة حصل مصيبة في bounce كايرو فيستفال سيتي  وديت ابني ذات الـ10 سنوات وأصحابه يلعبوا، دخلتهم وسبت بياناتي ولبسوهم الاساور ، ورجعت بعد ساعة أخذهم ، لقتهم مطلعين ابني على بوابة المول على الشارع ، بسالهم ابني فين؟؟، قالولي: طلعناه بره علشان شقي !!!!!!! عارفين يعني أيه أدخل ابني bounce أروح أخده ألاقيه واقف في الشارع!! ربنا ستر إن مفيش عربية خبطته ولا ركب مع أي حد، المفروض ده مكان نسيب ولادنا فيه وإحنا مطمنين".

وتابعت: المكان غير مؤهل للحفاظ علي الأولاد ولا التعامل معهم، ده غير الشد والعنف مع باقي الأولاد والبنات اللي كأنه معاه وغير قلة أدب اللي شغالين هناك، احنا عملنا شكوى عن طريق إدارة المول وإدارة bounce وجبنلهم البوليس..

واختتمت: أنا ببعتلكوا يا جماعه علشان تخلوا بالكوا، احنا المفروض بنودي أولادنا أماكن زي دي علشان نكون مطمئنين عليهم بس للاسف مهما كانت غاليه برده فيها إهمال».