والد ضحايا قرية الراهب بالمنوفية: القاتل كان بيدور معايا على ولادي

روى والد عبدالله وجنة ضحايا واقعة قرية الراهب بمحافظة المنوفية تفاصيل مأساوية عن اختفاء أطفاله، مؤكدا أنه كان متيقنا منذ البداية من هو المتسبب في الجريمة، وكيف اكتشف الجثث على السطح، معبراً عن صدمته وحزنه العميق.

وقال خلال لقائه مع الإعلامية نهال طايل في برنامج "تفاصيل" المذاع على قناة "صدىا لبلد 2": "كنت شغال في المحل اللي جنبنا، بحط بنزين للتوكتوك عشان أشتغل، وفجأة زوجتي اتصلت بيا قالت لي مش لاقية العيال، وأول واحد جه على بالي هو محمود، أكيد هو اللي هيحرق قلبي".

وأضاف: "جيت بسرعة على البيت، لقيت محمود جاي بالعجلة وهدومه متبهدلة، وأمي كانت بتقول الواد ده عمل حاجة. لما سألته قالي 'أنا أموت عيالك؟ أنا كنت بدبح فراخ وبط وبكنس السلخ فوق السطح".

وتابع : "أنا اللي شفت العيال في الآخر، طلعت فوق لقيت بنتين متعلقين في جنب، وابني الصغير متعلق في جنب تاني، ومحمود كان بيجري معايا ويقولي أنا صاحبك وأخوك وهو اللي عمل كدة فيهم".