مصلحة الضرايب بتهينه.. نجل عبد الرحمن أبو زهرة يكشف الحجز على معاش والده
أثار أحمد أبو زهرة نجل الفنان عبد الرحمن أبو زهرة الجدل خلال الساعات القليلة الماضية، وذلك بعد إعلانه عن حجز معاش والده بسبب مصلحة الضرائب.
نجل عبد الرحمن أبو زهرة يكشف عن الحجز على معاش والده
وكتب أحمد أبو زهرة من خلال حسابه الرسمي عبر موقع التواصل الاجتماعي فيسبوك، قال: هل مؤسسات الدولة مش وراها غير عبدالرحمن أبوزهرة بدل ما يتم تكريمه من الدولة.
أضاف: كل فترة يحصل موقف مهين له مع إنه لا هو عاوز حاجة من حد ولا مد ايده لحد، ولا طلب أي شيء من أي إنسان، كل اللي هو طلبه أنه يعيش أيامه الأخيرة في هدوء وسلام نفسي.
تابع: المرة دي مصلحة الضرايب بتهينه وتحجز عليه ، وياريته مثلا عنده أملاك ومليارات في البنك لا دي بتحجز علي معاشه اللي مش بيكمل ربع ثمن الادوية اللي بياخذها.
استكمل: تم وقف حسابه البنكي اللي مفيهوش غير المعاش وحينما سألنا عن السبب قيل انه محجوز عليه من الضرايب.
أختتم: يا سيادة رئيس مصلحة الضرايب ارحموا فنان افني اكتر من ستين سنة من عمره في خدمة هذا الوطن ولم يتأخر طوال حياته في دفع كل الضرايب بل علي العكس من يقول غير ذلك فهو ظالم.
