عاجل| ضحايا شركة ذا مارك العقارية: خدوا فلوسنا وباعولنا الوهم

حذر عدد كبير من متضرري شركة ذا مارك من التعامل مع الشركة ، خاصة وأن تجاربهم تثبت أن الشركة لا تفى بوعودها، على حد قولهم.

استغاثات وضحايا شركة ذا مارك العقارية 

وقال أحد المتضررين:  الشركة دي ولا هتبني ولا في خططها اساسا أنها تبني اي حاجة لاي حد .. هما يسلموا فلوس واقساط وبيشغلوا كل الفلوس دي في حاجات لا علاقة لها بالمشاريع بتاعتنا اساسا.. والنهاية زي مانتوا شايفين سحب الأرض و يحولك لمشروع هو كمان مش هيكمل وهيتسحب في الاخر .. فلوسنا بالنسبالهم مجرد قرض لا يرد و من غير فوائد.

وتابع متضرر اخر: ربنا ينتقم منهم خدوا مننا ملايين وفى الاخر يقول الارض اتسحبت، وأضاف اخر: أنا طلبت إن فلوسى ترجع لى الشركة رفضت معهاش فلوس بتجبرنى إني  اروح  مشروع تاني مر عليه 7 سنين وماخلصش لغاية اللحظة دي.

تتواصل هذه الشكاوي فى ظل سلسلة  الشكاوي عن الشركة وسمعتها من العملاء الذين يحذرون من التعامل مع شركة ذا مارك ، على حد قول ضحايا شركة ذا مارك

وسبق وحذر أيضا عدد كبير من الملاك من شركة ذا ومارك للتطوير العقاري بسبب تأخر تسلمهم لوحداتهم السكنية ، وخاصة المعاناة الأكبر للمصريين فى الخارج لعدم قدرتهم للتواجد فى مصر للمطالبة بحقوقهم.

وقال أحد المتضررين: دة اللي اخدناه من شركة ذا مارك اقساط بتدفع بقالها سنين وهى يادوبك تبعت فى المناسبات رسائل معايدة وخلاص على كد ة بعد السنين دة كلها نكتشف ان الارض اتسحبت نفسى افهم شركة ذا مارك كانت اية وظيفتها فى مشروع وندر مارك غير رسائل المعايدة ولم الاقساط.

وقال متضرر اخر: يا جماعة فيدونى انا مالك فى  مارك فيل التابع لشركة ذا مارك انا عايز اعرف لامتي هنقعد ساكتين ودخلنا فى السنة الخامسة على شهر 9 الجاى مش عارف اعمل ايه.

وقفة احتجاجية للاستغاثة والتحذير من الشركة

وسبق ونظم عدد من المتضررين من الشركة وقفة احتجاجية للاستغاثة والتحذير من الشركة و التعامل معها بعد ضياع حقوقهم ، على حد قولهم نظرا لدفعهم الأقساط وعدم استيلام وحداتهم السكنية.