موعد عودة منتخب مصر الي القاهرة بعد انتهاء مشاركته في أمم أفريقيا
يغادر منتخب مصر الأول لكرة القدم مطار كازابلانكا في الثالثة عصر غد الأحد بتوقيت القاهرة، في طريق العودة إلى القاهرة، بعد انتهاء مشاركته في بطولة أمم أفريقيا 2025.
حسام حسن يفتح النار: لا أنتظر التصفيق.. أبني منتخبًا للمستقبل وتوقّعوا الأفضل
أكد حسام حسن، المدير الفني لمنتخب مصر، أن الجهاز الفني يعمل وفق رؤية واضحة لبناء منتخب قوي قادر على المنافسة في المرحلة المقبلة، مشددًا على أنه لا يعتمد على الصدفة أو الأسلوب التقليدي، بل يحرص دائمًا على التطوير والتغيير وفقًا لطبيعة المنافس.
وقال حسام حسن في تصريحاته: «إحنا بنبني للي جاي، كل المنتخبات الكبيرة وأعظم الأندية في أوروبا بتلعب بنفس النظام، بس متتوقعش مني حاجة… توقّع مني الأفضل، لأني مش بعمل أي حاجة بالصدفة».
وأضاف مدرب الفراعنة: «بذاكر المنافس كويس جدًا، وأنا مش مدرب نمطي أو تقليدي، دايمًا هتلاقوا تغييرات بتحصل، وده بيبقى حسب المنافس اللي بلعب قدامه».
وأشار حسام حسن إلى أن المنتخب قدّم أقصى ما لديه قبل انطلاق البطولة وخلالها، مؤكدًا: «عملنا اللي علينا الحمد لله، ووصلنا لآخر يوم في البطولة وكنا من الأربعة الكبار، وده في حد ذاته إنجاز مهم».
وتطرق المدير الفني إلى أزمة إيقاف بعض اللاعبين، قائلًا: «صلاح محسن ومروان عطية اتوقفوا بالليل بعد العشا، بعد ما كنا اتدربنا وعملنا المحاضرة وعارفين هنلعب إزاي. معنديش مشكلة يتوقف أي لاعب، لكن كان المفروض القرار يبقى بدري شوية».
واختتم حسام حسن تصريحاته بالتأكيد على ثقته في اللاعب المحلي، مشددًا: «اللي حصل ده نتاج محلي، وأنا مبسوط إن المجموعة كلها من الدوري المصري. كل المنتخبات في البطولة فيها محترفين، لكن اللاعب المصري قوي في أي مكان، وقدرنا نظهر بالشكل ده ونبني منتخب قوي، وكنا قريبين من البطولة، ويكفي إن في لاعيبة كتير في منتخبنا دي أول مشاركة ليهم في أمم أفريقيا».
