شقيق شيرين عبد الوهاب: ابن الحسب والنسب اتجوزها بدبلة كان يوم أسود

سخر محمد عبد الوهاب شقيق الفنانة شيرين عبد الوهاب من حسام حبيب زوجها السابق، مشيرًا إلى أنه تزوجها بدبلة فقط، وأن والده توفى بعد هذا الزواج بعام.

شقيق شيرين عبد الوهاب يسخر من حسام حبيب

وكتب محمد عبد الوهاب من خلال حسابه الرسمي عبر موقع التواصل الاجتماعي فيسبوك، قال:كانت زي الوردة وزي الفل..
في السفرية السودا دي اشترى الدبلة.. اتجوزها بدبلة ابن الحسب والنسب.

أضاف: كان يوم أسود دخلته علينا بالخراب والله ابويا مات بعد جوازهم بشهر.. حسبي الله ونعم الوكيل.

هجوم حاد من شقيق شيرين على مصطفى كامل وأشرف زكي

ووجه محمد عبد الوهاب شقيق الفنانة شيرين عبد الوهاب هجوم حاد على نقيب المهن الموسيقية مصطفى كامل، ونقيب المهن التمثيلية الدكتور أشرف زكي، وذلك بعد أزمة شقيقته الأخيرة.

وكتب محمد عبد الوهاب من خلال حسابه الرسمي عبر موقع التواصل الاجتماعي فيسبوك، قال: الأستاذ نقيب الموسيقيين 
و الأستاذ نقيب الممثلين هو ليه حضرتكم مبتظهروش في الصورة غير لما يكون في حاجه.

أضاف: يعني ليه مش بتسألوا عليها في الايام العادية طالما امرها يهمكم اوى كده خلاص بقي كفايه متاجره ارحموها بقي 
والسادة الصحفيين والمعدين والإعلاميين محدش يكلمني.

تابع: انا مش هعمل اي حوار واي مداخله ولا اي شيء انتو بردو ناس كلكم عايزين رتش وترند فقط ليه محدش فيكم بيكتب لها والدنيا هاديه كلام حلو بدون ما يكون في ازمه او مشكله كفايه بقي الله يخليكم والله حالتها تصعب علي الكافر ومحتاجه هدوء عشان تعرف تتعافي اخباركم وكلامكم والله بياثر عليها.

أختتم: انا اتكلمت بحترام وادب بعد كده هقل ادبي علي التخين فيكم وانا والله بطولي بس بعون الله قد اي حد وبينا القانون
مفيش اي حد ليه الحق يطلع يتكلم او يكتب عن شيرين حاجة ايا كان صفته نقيب اعلامي صحفي شاعر ملحن موزع 
الكلام للكل.. اللهم بلغت اللهم فاشهد.