مصر كلها بتدعيلك.. ريهام سعيد تساند لقاء سويدان بعد أزمة مرضها
حرصت الإعلامية ريهام سعيد علي دعم ومساندة الفنانة لقاء سويدان عقب أزمة مرضها وإصابتها بالعصب السابع .
وكتبت ريهام في منشور لها عبر حسابها الرسمي "فيس بوك"سلامتك الف سلامه مفيش حاجه تستأهل الزعل مصر كلها بتدعيلك و باذن الله هاتخفي و تبقي زي الحصان أرجو الدعاء .
علي جانب آخر ظهرت الفنانة لقاء سويدان في برنامجها لأول مرة لتكشف عن حالتها الصحية وإصابتها بالعصب السابع، وأسباب ابتعادها الفترة الأخيرة، وقالت في ظهورها الأول عبر برنامجها: بشكر كل الناس اللى وقفت معايا وشكرا لكل دعواتكم، أول مرة اطلع بعد التعب، أنا جالي العصب السابع، واسمحوا ليا إنى أتكلم معاكم على مرضى، لأن أنتم بتشاركوني كل لحظات حياتي، في نجاحي ومسلسلاتي ومسرحياتي والبرنامج، وبتفرحوا معايا بكل حاجة حلوة، حبيت أظهر الجانب الإنساني فيا ليكم، وبدون خجل.
وأضافت لقاء سويدان في حديثها: احنا بني آدمين وعندنا مشاكلنا الصحية والإنسانية ومحدش يتخيل إنها عندنا، الصورة اللى الناس واخدينها عن الفنانين هي صورة لامعه أوي، والناس بتقول إن لازم الفنانين طول الوقت يكونوا متشافين كدا، بس أنا حبيت أقولكم إن في لحظات ضعف كتير ومرض ويأس بتعدي علينا.
وتابعت في حديثها: المرض اللى جالى بناء على حالة نفسية سيئة مريت بيها، وأنا بكتم وبظهر قوتي ودايما كل اللى حواليا شايفني قوية، وظهرت حملات تشويه ليا وفي ناس كنت بعتبرهم صحابي وقريبين مني ومطلعوش على هذه المكانة، الفترة الزمنية اللى عايشنها الآن هي غريبة جدا، وكلنا بنمر بضغوط، بس الفكرة إننا نتحمل إزاى، وندى الآخرين فرصة يأثروا علينا إزاى.
