مريم الخشت: "تعرضت للتحرش الجنسي في الشارع"

كشف الفنانة مريم الخشت، عن تفاصيل تعرضها للتحرش، وذلك خلال حلولها ضيفة في برنامج "يوم ليك" الذي تقدمه الإعلامية سمر يسري على قناة "الحياة".

وقالت "الخشت"، "مفيش واحدة متعرضتش للتحرش وعلى الأقل تحرش لفظى وأول تحرش استحالة يتنسى وانا حصلى تحرش لفظى كتير، وحصلى كمان تحرش وتطاول جسدى في الشارع سواء كنت لوحدى أو معايا واحدة صحبتى".

وتابعت: "في مرة كنت ماشية مع واحدة صحبتى وكنت جنب بيتى في الدقى، وجه واحد في وشنا وقرر يعدى من وسطينا وطبعا مش هايعدى وهو ساكت ولكن مش هاقول تفاصيل ولكن هو شايف إن الموضوع عادل جدا، وبسبب عدم تصديقنا وقفنا اتصدمنا، وانا مكنتش لابسة حاجة تستفزه ولو حتى لابسة فهو اللى غلطان".