مرشح رئاسة نادي الجزيرة يرد على انتقادات تضارب المصالح بالشراكة مع ياسر إدريس

 رد المهندس إبراهيم زاهر، المرشح على رئاسة نادي الجزيرة، والمقرر عقدها في التاسع عشر من الشهر الجاري، عبر قائمة تحمل شعار جيل جديد… رؤية متطورة، على الاتهامات التي يوجهها له البعض على إثر قرار ترشحه ما بين ملكيته لشركة قطاع خاص وبين ترشحه على رئاسة النادي، قائلاً: مافيش مشكلة ولا تعارض في المصالح، كأني أخدت كورس بره عشر سنوات وجاي أفيد النادي بتاعي، لأن البيزنس الأساسي بتاعي في حياتي الخاصة هو خبرة ممتدة في إدارة وإنشاء النوادي، عاوز أفيد بيها الجزيرة.

ونفى خلال لقاء ببرنامج الصورة الذي تقدمه الإعلامية لميس الحديدي على شاشة النهار أن أي من شركاته سيكون لها تعامل مباشر أو غير مباشر مع نادي الجزيرة حال فوزه في الانتخابات، قائلاً: القانون يمنع الشركات من العمل ، حيث تم تعديل قانون الرياضة مرتين في عامي 2017 و2025، إن أكون مالك لشركة يسمح لي بالترشح، ولكن القانون يحظر علي إفادة شركاتي من خلال منصبي بعد الفوز.

وتساءلت الحديدي: الناس ممكن لا تثق ويقولوا ممكن تلف بالشركات بتاعتك باسم تاني وتعمل نفس الشغل؟ ليرد: هل النهارده مش هيبقى فيه 11 عضو مجلس إدارة؟ ولو عدى عليهم حاجة مش فيه الجهاز المركزي للمحاسبات هيراقب؟ هل معقول أنا بترشح علشان أخدم أحط نفسي في مشكلة مساءلة قانونية تشبه أزمة الزمالك؟ محدش معقول يعمل كده.

أردف: مش هستقيل من الشركات، لأن القانون اتغير وسمح لي بالترشح دون إفادة شركاتي من رئاسة النادي حال فوزي.

وردًا على سؤال الحديدي: بالنسبة لشراكتك مع ياسر إدريس، رئيس اللجنة الأوليمبية ورئيس اتحاد السباحة، واللي يُسأل الان  في قصة السباح يوسف محمد، ومن المفترض وفقًا للميثاق الأوليمبي إن أي من شركات ياسر إدريس لاتتعامل  مع أي جهاز رياضي، هتعمل فيها إيه؟ ليرد: عندي 8 و9 شركات، وياسر إدريس شريكي فقط في شركة مقاولات مش رياضة، وهو مهندس وأنا مهندس، وطبيعي إننا نتشارك.

وقاطعته الحديدي: هل شركة المقاولات عملت أي منشآت رياضية في أي نادي؟ ليرد: عملت في نيو جيزة، بعد ما خلصت بفترة طلبوا مني أعمل بيسين للنادي وعملناه.

وقاطعته مجددًا: لكن ده رجل ينبغي أن لا يعمل في أي قطاع رياضي حتى لو مقاولات، وهو تقريبًا واخدك غطا؟ ليرد قائلاً: ده مش شغل رياضي، ده عمل مقاولات ليس لها علاقة، هو شريك في شركة مقاولات، فهو عمله مهندس، ونجله شريك لي في إحدى شركاتي اللي بتشتغل في مجال الأكاديميات الرياضية.

أردف: فيه هجوم على القصة دي كتير.

وردًا على سؤال الحديدي: فيه كلام بيتقال إنك مشيت من نيو جيزة وسوديك بمشكلات وقيل إنك تم رفدك؟ ليرد قائلاً: في نيو جيزة عملت النادي من الأرض، ببيع العضويات والاتحادات، بكل التفاصيل، وأنا مش راجل بتاع تسيير الأعمال، أنا خلصت المطلوب ورجعنا الفلوس لشركة الأم.

وقاطعته الحديدي: اترفدت؟ مشيت بمشكلات؟ ليرد: خالص، هل يعقل إني مشيت بمشكلة، إنه بعد ثلاث سنوات أعمل بيسين أوردر داخل نيو جيزة ويتفتح والناس تعوم فيه، ومافيش مشكلة عشان أتصالح؟.

وفيما يخص نادي سوديك قال : بعد ما خلصت سوديك طلبوا مني الوجود بعقد استشاري.