منى زكي: معملتش حاجة غلط علشان الناس تهاجمني.. وبروح لطبيب نفسي يساعدني
تحدثت الفنانة منى زكي عن الإنتقادات الكثيرة والهجوم الذي تعرضت له الفترة الماضية، وذلك بسبب تجسيدها شخصية كوكب الشرق أم كلثوم في فيلم الست.
منى زكي تتحدث عن طريقة تعاملها مع الانتقادات بعد عرض فيلمها الست
وقالت في تصريحات تلفزيونية عن توقعها لرد فعل أم كلثوم على الفيلم إذا كانت على قيد الحياة: مقدرش أتخيل ولكن أتمنى يعجبها وأتمنى تشوف أننا بنحاول نقدرها ونكرمها ونعرف أجيال جديدة أصغر ممكن ما يكونوش يعرفوها بالشكل اللي يكون، وحابين نعمل كده والأجيال الجديدة يعرفوا النماذج اللي عندنا بالوطن العربي قد إيه نماذج مشرفة وذو قيمة وموهبة قوية وكبيرة تتخطى حدود الوطن العربي.
كما تحدثت عن شعورها في الليلة التي سبقت تصوير أول يوم بالفيلم قالت: مقدرتش أنام أكيد، ومكنتش بعرف بنام طول مدة التصوير، وحياتي اتغيرت تماما، ويهمني رأي الناس ويا رب يعجبهم.
أما عن طريقة تعاملها مع الإنتقادات: بحاول أكون متحضرة وأتقبل الآراء، بحاول أكون متحضرة واتقبل الآراء واحترمها كلها أشوف إن مفيش حاجة شخصية بيني وبين حد.
وكشفت منى زكي أنها تذهب لطبيب نفسي يساعدها على تخطي الصعوبات ليس فقط بعد الفيلم ولكنها تتابع معه باستمرار بسبب ضغوطات الحياة، حيث قالت: كده كده بروح بغض النظر عن الانتقادات، بروح لحد يساعدني لأن ضغوطات الحياة كتير وبتحتاح يساعدك.
استكملت: ما عملتش حاجة غلط علشان ادافع عن نفسي، وأنا بحس ساعات المدافعة عن النفس كأنك بتعاند في الناس ولذلك بفضل اسكت والناس تقرر، وأحيانا بحس أن الدفاع ممكن يكون مستفز بالنسبة للناس، وأنا ما عملتش حاجة غلط علشان ادافع عن نفسي، وبحب أخوض تجارب وأتعلم واتعلمت حاجات كتير وفرصة كبيرة إني اشتغل مع صناع كلهم عالميين بالنسبة لي، ولا قصدي أعاند في حد ولا أجرح في حد.
وأختتمت بحديثها عن الصفات التي لا تشبهها في أم كلثوم قالت: والقوة والعناد مفيش حد قوي زيها، وكذلك الإصرار والعزيمة ودي حاجة أتمنى تكون فيا.
