"في السرير مبيتحركش".. أحمد سعد يكشف تفاصيل زيارته لـ تامر حسني بعد وعكته الصحية
كشف الفنان أحمد سعد تفاصيل زيارته للفنان تامر حسني، وذلك بعد وعكته الصحية، التي أجرى بعدها عملية جراحية دقيقة في ألمانيا.
أحمد سعد يكشف تفاصيل زيارته لـ تامر حسني بعد وعكته الصحية
وقال أحمد سعد خلال تصريحات تلفزيونية: زورت تامر حسني هو نايم على طول في السرير مبيتحركش، تامر مش بيحب كدة، لأنه شخص نشيط جدًا، وبيعيش بحب الناس، هما اللي بيدوله طاقة إيجابية.
أضاف: ولما زورته قعدت جمبه على السرير وقولت له ده بوستر حفلتنا الجاية.
تفاصيل الحالة الصحية لـ تامر حسني
وكان النجم تامر حسني قد كشف عن حالته الصحية من خلال حسابه بموقع فيس بوك، حيث قال: "مكنتش ناوي أتكلم في أموري الشخصية، بالعكس كنت بحاول أبان عادي بس بما إن الخبر تم تداوله .. أنا بقالي فترة بعاني وعندي أزمة صحية في الكلى ومن أيام احتجت للتدخل الجراحي الفوري، وتم استئصال جزئي من الكلية.. والحمد لله على كل حال.. شكراً لكل اللي بيحاول يطمن عليا شكراً لكل اللي دعالي وبيدعيلي".
ثم كشف النجم تامر حسني عن عودته لمصر لاستكمال رحلته العلاجية، حيث كتب عبر حسابه بموقع فيس بوك: "مش عارف أشكركم إزاي على كل المشاعر الصادقة اللي وصلتلي منكم الفترة دي والله والله لساني عاجز عن التعبير لأن مفيش كلام يوصف اللي أنا حسيته بسبب دعواتكم ليا و جمال قلوبكم .. حالياً إن شاء الله هكمل فترة علاجي في مصر .. دعواتكم لحد ما ربنا يجمعنا تاني على خير يا رب".
