نشوى مصطفى تهاجم مروجي شائعة وفاتها

حرصت الفنانة نشوى مصطفى، على نفي الشائعات التي انتشرت منذ فترة عن وجود خلاف بينها وبين إحدى الفنانات وعن شائعات وفاتها، مشيرة إلى أن هذه الأخبار تهدف إلى التريند فقط .

ونشرت نشوى مصطفى في منشور عبر حسابها الشخصي على موقع “فيس بوك”: “الناس اللي بتاكل عيش من الشائعات، يعنى مرة إشاعة إنى توفيت، ومرة إشاعة إنى اتخانقت مع زميلة فشتمتها فقبضوا عليا علشان شتمتها وسجنونى فى عنبر الخطيرين، آسفة فى اللي هقوله، بس أى حد بيألف إشاعات أنتم ناس مش محترمين بجد”.

وأضافت: “بطمن كل الناس اللي بتحبنى أنا فى بيتنا وبشرب سحلب ولابسة لكلوك وهقوم أصلي العشاء، وأدعي على الناس اللي مش محترمين بتوع الإشاعات، والفيديو اللى بظهر فيه أنا وابنى ساندني ده يوم وفاة زوجى الله يرحمه منكم لله قلبتوا عليا المواجع”.

نشوى مصطفى تشيد بافتتاح المتحف المصري الكبير

أعربت الفنانة نشوى مصطفى عن سعادتها وفخرها بافتتاح المتحف المصري الكبير، والذي من المقرر أن يُقام مساء اليوم السبت الموافق 1 نوفمبر، وسط حضور عدد كبير من زعماء وقادة الدول المختلفة، بالإضافة إلى عدد من نجوم الفن. 

وكتبت نشوى مصطفى من خلال حسابها الرسمي عبر موقع التواصل الاجتماعي فيسبوك، قالت: حرمت على نفسى الفرحة من يوم مازوجى اتنقل لحياته الطيبة- لكن النهارده الفرحة فرض على كل حد بيحب مصر-  وعماد كان بيعشق تراب بلدنا عماد كان معاه الجنسية الامريكية لكنه رفض رفض قاطع يديها لولادنا وكان بيشرح لى اسبابه اللي كلها بتقول بلدنا مهما كانت ظروفها وظروفنا فيها اولى بينا.

أضافت: المهم ولان الفرحة بتعدى وبما ان كل المصريين فرحانين انا كمان لاول مرة احس انى فرحانة واقول لنفسى لو عماد كان موجود كان حيفرح قوى ويقعد يشرح لى انا والولاد المعنى والخير اللي حيكون لمصر من الحدث العظيم اللي حيحصل النهارده ده رزق كبير لاحفادنا ولولادنا ربنا يفتح ابواب الخير ليكى يابلدى ربنا يصد عنك كل شر ويحفظك ويحفظ شعبك الاصيل.. وتحيا مصر بعشاق ترابها.