طريقة عمل "نجرسكو الدجاج… نكهةٌ إيطالية .. بخطوات بسيطة

تُعدّ مكرونة النجرسكو من الأطباق التي تتميز  بمكونات بسيطة ومتوفرة في كل بيت  فهي تُقدَّم بكريمةٍ غنيّة ومذاقٍ دافئ  وتمتاز بطبقاتٍ من الدجاج  والمكرونة وصوص البشاميل ، وتناسب العزائم والمناسبات كما تلائم مائدة الأسرة اليومية.

المقادير :
كيس مكرونة اسباجتي 
ربع كيلو صدور دجاج  
ربع كوب مشرووم
بصلية  مفرومة  
فلفل رومى أخضر  وألوان 
زيتون أخضر أو واسود
معلقة سمنة وزيت

البهارات
ملح
فلفل أسود
بهارات دجاج
كارى وكركم وبابريكا 
توم وبصل بودر

مقادير البشاميل علي البارد :

كيلو ونص حليب 
4 معالق كبيرة دقيق
ملح
فلفل أسود

للوجه
جبنة موتزريلارا أو رومي أو شيدر

طريقة التحضير:

- نسلق المكرونة لمدة عشر دقائق ونصفيها ونتركها جانبا.
- نجهز الحشو
طاسة على النار ونضع فيها معلقة زيت وسمنة لما يسخنوا ننزل بقطع الفراخ ونشوحها ونضيف بعد كده المشرووم ونشوحه مع الفراخ وننزل بعد ذلك بالبصلة ونشوحها حتى
يتغير لونها مع التقليب ونضيف جميع البهارات ونقلبهم مع بعض ونضيف الفلفل والزيتون ونقلبهم مع بعض على نار هادئة ونطفئ عليهم النار

طريقة البشاميل :
نقلب الدقيق مع الحليب ونرفعه علي النار مع التقليب المستمر  بمضرب يدوى ونضيف ملح وفلفل اسود ومعلقة ك قشطة ونقلبهم علي نار متوسطة لما قوامه يتقل ويكون خفيف شوية 
لان بشاميل النجرسكو بيكون خفيف وممكن نضع معلقة سمنة حسب الرغبة.
- ثم نضيف الجبن إلى البشاميل ونقلب حتى تذوب 
- ثم نرفع البشاميل من على النار ونطفئ عليه
- وبعدين نحضر صينية فرن مدهونة سمنة ونضيف فيها معلقتين ك من البشاميل وبعد ذلك نضيف كمية المكرونة الاسباجتي المسلوقة لمدة عشر دقائق ومعلقتين كبار كمان من البشاميل ونضيف  الحشوة وعليها شوية جبنة موتزريلارا اختياري ثم  معلقتين ك بشاميل علشان تطلع معاكي كده جوسي 
ثم باقي كمية المكرونة وعليها باقي البشاميل وأخيراً جبنة موتزريلارا 
 وندخل الصينية  علي فرن يكون ساخن الاول علي درجة حرارة 200 في الرف الأوسط حتى يحمر وجهها
والجبنة تعطي لون ذهبي 
ثم نخرج المكرونة من الفرن وتقدم ساخنة.