أحمد بتشان بعد نجاته من حادث سير: كل مناسبة لازم يحصلي حاجة
نجاة المطرب أحمد بتشان من حادث سير مروع خلال الساعات الماضية أدى لتهشم سيارته بشكل كبير ، مؤكدا أنه في كل مناسبة أو شعوره بالسعادة تحدث له شيء غير متوقع ولكنه راض بكل ما يحدث.
ونشر بتشان صور عربيته بعد الحادث عبر حسابه الرسمي "فيس بوك"وعلق عليها “يمكن دي اول مرة اتكلم فى حاجة زي دي ودي مش اول مره بس حقيقي مبقتش فاهم فى ايه يعنى كل لما ابقي مبسوط شوية و تحصل حاجة كويسة ف حياتي سواء نزول اغنية او احتفال بعيد ميلادي او اي مناسبة لازم يحصلي حاجة بعدها و الحمد لله اللي ربنا بيقدرني عليه بعمله و من غير تفكير و من غير متكلم علي حاجة زي دي عشان دي حاجة بيني وبين ربنا ”.
وأضاف "الحمدلله ربنا نجاني و انا الحمدلله كويس والحمدلله انها جت ف الحديد وانوا سترها معايا و ربنا يحفظ الجميع و يبعد عننا اي شر والحمدلله على كل شئ و انا راضي جدا بكل حاجة بتحصلي و ده اكيد كرم من ربنا عليا عشان كان ممكن يحصلى حاجة اكبر من كده".
علي جانب آخر طرح النجم أحمد باتشان، مؤخرآ أغنيته الجديد بعنوان "أول ليلة فراق" من كلمات أحمد عبدالعزيز وألحان وتوزيع ومكس وماستر يوسف حسين وإنتاج مشترك بين "نجوم ريكوردز" و "هاي واي" وإشراف وتنفيذ ياسر خليل.
وطرح أحمد بتشان عدة اغنيات ناجحة على مدار الفترة الماضية مثل أغنية "متعلق بيكي" كلمات محمد عاطف وألحان مدين، وتوزيع ومكس وماستر نادر حمدي، و"بطلت أعد الأيام" كلمات أيمن بهجت قمر، وألحان مدين وتوزيع ومكس وماستر نادر حمدي، و«روح»، من كلمات حسام سعيد، وألحان محمد شحاتة وتوزيع ومكس وماستر توما، وإشراف ياسر خليل، وجرى تصويرها مع المخرج شادي قاسم.
