"الخطيب" للمدافعين عن "متحرش المعادى": "لو بنتك مكانها هاتستر عليه ولا هاتفلق دماغه بمفتاح الأنبوبة"

وجهت الاعلامية ياسمين الخطيب انتقادا لاذعا لبعض المعلقين على حادثة التحرة بطفلة المعادي بقولها: "فيه ٣ أنواع من البهايم .. البهايم إللي بيقولوا: البنت رايحة معاه بمزاجها، وجريت لما الباب اتفتح، مما يعني إنها فاهمة إنها بترتكب خطأ! .. دول يترد عليهم بإن الدين والانسانية بيعفوها من أي مسائلة، لأنها طفلة.. قاصر.. في شرع ربنا لو ماتت مالهاش حساب".

وأضافت: " هناك ايضا البهايم إللي بيقولوا: ده مريض نفسي، ومش مُدرك بيعمل إيه! .. دول يترد عليهم بإن مريض الـ Pedophilia مش مجنون، ومدرك كويس هو بيعمل إيه، وفاهم إنه بيرتكب جريمة، بمعايير الدين والمجتمع والانسانية.. جريمة".

كما أضافت: " وهنلك البهايم إللي بيقولوا: نستره، عملاً بالحديث النبوي "مَن ستر مسلماً ستره الله في الدنيا والآخرة"! ..متجاهلين الحديث النبوي أيضاً: "المسلم من سلِم المسلمون من لسانه ويده".. ختاماً.. لو بنتك في نفس الموقف، هاتلومها؟! هاتقول معلش نعذره أصله مريض نفسي؟! هاتستر عليه؟! ولا هاتفلق دماغه بمفتاح الأنبوبة!".