تزامنًا مع أزمته الصحية.. أمينة توجه رسالة دعم لـ تامر حسني
حرصت المطربة أمينة، على توجيه رسالة دعم للمطرب تامر حسني، بعد تعرضه لوعكة صحية أخيرة.
ونشرت أمينة، منشور عبر حسابها الرسمي على موقع “إنستجرام”، قائلة: “ربنا يشفيك ويقومك بمليون سلامة يا تامر يا جدع يا محترم، اللي مايعرفش أن أنا أول مره شفت تامر وهو صغنن وماسك جيتاره هو ومحمد عدوية كنا فى مكتب الاستاذ صلاح الشرنوبى، عشان كان بيعمل شريط اسمه شرنوبيات".
واضافت: “المهم أنى كنت من اللى بيقدمو نفسهم وموهبتهم وكده وساعتها اتفرجت على شريط فيديو تامر كان جايبه لاستاذ صلاح يفرجه عليه، الفيديو ده كان تامر بيغنى فعلياً فى قناة النيل لايف أو دراما مش فاكرة بالظبط واللى اديتله الفرصة ساعتها الاستاذة سلمى الشماع، وكلنا انبهرنا بيه كلنا وحسيت ساعتها أنى قاعده مع حد نجم أوى ومشهور أوى، رغم انه لسه يادوب بيبتدى”.
واكملت: "المهم اللى أنا عايزة اقوله أن تامر تعب أوى أوى أوى عشان يبقى نجم، وبقى نجم كبيييييير اوى اوى اوى، قدها يا تيمو ويارب تقوملنا بالسلامة يا صاحبى، ياللى مافيش مرة قابلتنى فيها إلا وكلك احترام وذوق، ومابتنساش أصلك وتعبنا من واحنا صغيرين، ادعو لتامر يقوم بالسلامة لحبايبه و لأولاده ياررررب”.
الحالة الصحية لتامر حسني
في نفس السياق كان تامر شارك صورة من المستشفى برفقة ابنته ، عبر حسابه الرسمي على "فيسبوك" وكتب عليها "مكنتش ناوي أتكلم في أموري الشخصية بالعكس كنت بحاول أبان عادي بس بما إن الخبر تم تداوله .. أنا بقالي فترة بعاني وعندي أزمة صحية في الكلى ومن أيام احتجت للتدخل الجراحي الفوري وتم استئصال جزئي من الكلية والحمد لله على كل حال .. شكراً لكل اللي بيحاول يطمن عليا شكراً لكل اللي دعالي وبيدعيلي".
وحرص عدد كبير من النجوم على دعم النجم تامر حسني في أزمته الصحية بعد إعلانه أمس الثلاثاء تعرضه لوعكة خلال الأيام الماضية استلزمت إجراء عملية جراحية.
