"هغني لحد ما أموت".. شيرين عبد الوهاب تكشف حقيقة اعتزالها نهائيًا

قالت الفنانة شيرين عبد الوهاب إنها تعيش حالة من الاستقرار والاستعداد لطرح مفاجآت فنية جديدة لجمهورها خلال الفترة المقبلة، مؤكدة أنها تعمل على تقديم أعمال مختلفة ستسعد محبيها.

شيرين عبد الوهاب تكشف حقيقة اعتزالها نهائيًا

وأوضحت شيرين: «أنا بخير جدًا، وبحضر لحاجات جديدة ومختلفة هتفرحكم جدًا، وهتسمعوني من أماكن مختلفة، وهفضل أغني لحد آخر يوم في عمري.. مفيش اعتزال، والاعتزال بالنسبة لي هو الموت».

وأضافت أنها لا تستسلم لأي صعوبات تواجهها، قائلة: «اطمنوا علي.. أنا قوية وربنا معايا، ورغم إن في حاجات صعبة بتمر علي ومن أقرب الناس ليا، لكن أنا جامدة».

وختمت برسالة محبة لجمهورها: «استنوا المفاجآت اللي جاية.. أنا بحبكم قد الدنيا، وانتو فعلاً الدنيا بالنسبة لي».