"جيالك يا إمام عاشور".. سما المصري تعلن إصابتها بمرض نادر
أعلنت الفنانة سما المصري إصابتها بمرض نادر مشيرة إلي أن هذا المرض يصيب عادة لاعبي كرة القدم فقط.
وكتبت سما منشور عبر صفحتها الرسمية موضحة تفاصيل مرضها قائلة " جايه لك ياامام ياعاشور احجزلي في السرير اللي جنبك..أشعة الرنين ظهرت..قالي عندك التهاب في (( اكيلس) القدمين اليمين والشمال..وفي بوادر زوائد عظمية وقالولي ان لعيبة الكورة بس هم اللى بيجيلهم المرض النادر دا..
وأضافت "بسم الله ماشاء الله بقي عندي حاجه نادره وكمان ذي لعيبه الكوره بقيت مشهورة ذي زيزو وبن شرقي..قالي ممكن نلحق الموضوع و ميكبرش..الحق انت بقى يا دكتور انا ماشيه بالأدوية ومسنه ومش قادره الحق غير الاتوبيس وهو بيجري…صباح الفل الحمدلله".
في سياق آخر ظهرت الفنانة سما المصري في فيديو عبر صفحتها الشخصية فيسبوك، وهي تطلب من الله الزواج الحلال وأمنيتها تتزوج مثل الفنانات.
وقالت سما خلال الفيديو" دلوقتي الناس كلها تتجوز وانا قاعدة كدة سنجل، رانيا يوسف اتجوزت ومنة شلبي اتجوزت ومي عز الدين اتجوزت، ربنا يسعدهم ويفرحهم.. انا بقى عايزة اتجوز واتستر وابقى عايشة في حما راجل لان تعبت من الشغل والإعلانات".
وأضافت"انا متبهدلة وعايزة اتجوز راجل ويحميني ..ادعوا معايا انهاردة في يوم الجمعة ان ربنا يرزقني بابن الحلال اللي يسترني".
