مشاهد مؤلمة من جنازة إسماعيل الليثي.. سعد الصغير يكشف سر السيارة والمبلغ المطلوب وضحايا الحادث

خيم الحزن على الوسط الفني والشعبي عقب وفاة الفنان إسماعيل الليثي في حادث مروع، حيث ودعه الَالاف  في جنازته وسط أجواء مليئة بالألم والحزن، وسيطر أيضا على جميع مواقع التواصل الاجتماعي لفقدانه.

جنازة إسماعيل الليثي

وشهدت الجنازة أثناء تشييع الجثمان حضور عددًا كبيرًا من محبيه وزملائه في المجال وخارجه وكان من بينهم الفنان سعد الصغير، ونقيب المهن الموسيقية مصطفى كامل و عبدالباسط حمودة وحمادة الليثي وعدد كبير من المطربين الشعبيين الذين حرصوا على الوداع الأخير لفقيدهم إسماعيل الليثي.

سعد الصغير يكشف عن التفاصيل أثناء جنازة إسماعيل الليثي

كشف الفنان سعد الصغير في تصريحاته عقب جنازة الليثي عن التفاصيل الخاصة والمؤلمة قائلًا: العربية مش بتاعت الليثي، دي كانت عربية واخدها من صاحبه عشان يروح بيها الفرح وسعرها مليون و 800 ألف، هو كان بيجربها بس وكان هيشتريها".

ووجه شكره لنقيب الموسيقيين مصطفى كامل قائلًا: بشكر أستاذ مصطفى كامل لانه هيعمل جروب للمطربين وهنحاول نلم للناس اللي عملت الحادثة لأن معندهمش أي حاجة خالص، يارب لو الفلوس زيادة هيبقى نصهم هيروح للأسرة اللي أتوفوا"

وأضاف" أسرة الليثي دلوقتي عندهم أزمة مادية مطالبين بسعر العربية مليون ونصف بعد ما صاحبها قال مش عايز 400 ألف، هيجيبوا الفلوس دي منين".