بسبب الجمبري.. آسر ياسين يتصدر التريند بعد حديثه عن بدايته الفنية

آسر ياسين.. تصدر الفنان آسر ياسين محرك البحث جوجل وتريند مواقع التواصل الاجتماعي خلال الساعات القليلة الماضية، وذلك بعد حديثه عن بدايته الفنية والصعوبات التي واجهها في البداية.

آسر ياسين يتحدث عن بدايته الفنية 

وتحدث آسر ياسين عن بدايته الفنية، وذلك خلال لقاءه في بودكاست حوارات مع عباس مع السيناريست عباس أبو الحسن، قال: أنا كنت بروح الانترفيوهات وأتقبل وأنا اللي أقولهم لا أنا عندي Family Busines، أنا ولا عندي Family Busines ولا نيلة، فأنت خارج مهندس من جـامـعة أمريكية وبيتقالك ممكن تروح هنا وهنا وشايف صحابك اللي سافر فرنسا واللي راح أمريكا واللي قعد هنا.. لابتوب.. عربية.. هيبتدي يشوف صاحبته هيخطبها أو هيتجوزها.

أضاف: أنت رايح لوكيشن تصوير فيلم أو مسلسل ماحدش عارف عنك أي حاجة.. فاكر إنك هتبقى عمر الشريف الجاي.. طبعًا كنت لازم آخد على دماغي.. كنت بقعد في أوضة فيها 15 واحد قـاعـديـن، اللبس بييجي يترمي قدامك بمبدأ إلحق إلبس، بس بيظل ده جزء من التجربة اللي أنا باعشقها.. محدش عارفك لسه.

تابع: طيب أنا عايز أكل.. أروح أقف على عربية البريك قدام الميكروباص اللي بيطلع الأكل، فتسأله الأكل ايه؟.. يقولك فيه جمبري أو فراخ.. تقوله جمبري.. يقولك لأ مفيش غير فراخ، وتاخد الساندوتش تروح تقعد على جنب.

استكمل: أنت عارف انت كنت ممكن تبقى فين دلوقتي حالا انا ممكن ابقى فين بس انا اخترتك انك اخترت ده وانا اللي مختار ده وهستحمله وهاخده برجوله.

فيلم وتر واحد لـ آسر ياسين

في سياق آخر، وعلم "مصر تايمز" من مصادره الخاصة، أن آسر ياسين يجسد خلال أحدث فيلم وتر واحد دور شاب يُدعي فضل، وهو صديق ويجز في الفيلم ومدير أعماله.

أما ويجز فهو شاب يعاني من إدمان المخدرات، وتحدث له العديد من الأزمات التي تقلب حياته رأسًا على عقب.

فيلم وتر واحد يجمع بين الدراما والموسيقى، ويُعد من الأعمال المنتظرة نظرًا لمشاركة ويجز فيه لأول مرة كممثل، كما يضم  مجموعة لامعة من النجوم بجانب ويجز، منهم آسر ياسين، تارا عماد، مايان السيد، وغيرهم من الفنانين، وذلك بالتعاون مع المخرج علي العربي.

الفيلم يُعد امتدادًا للمسار الإنساني والواقعي الذي يتميز به المخرج علي العربي، ويعكس رؤيته التي تجمع بين الموسيقى والصورة بأسلوب معاصر ينبض بالصدق والتجربة الحقيقية.

"وتر واحد" ليس مجرد عمل درامي، بل نافذة جديدة على قضايا الإنسان ومعاناته، من خلال صوت فني له بصمته في الشارع والمجتمع.