الكور كانت سخنة ولا اية.. تعليق مثير للجدل من المخرج محمد نصر على مجموعة الأهلي في دوري أبطال أفريقيا

علق المخرج محمد نصر على قرعة بطولة دوري أبطال أفريقيا وبالتحديد مجموعة الأهلي في تعليق مثير للجدل بعد إسدال الستار عن مجموعة الشياطين الحمر.

تصريح مثير من محمد نصر على مجموعة الأهلي في دوري أبطال أفريقيا 

وكتب محمد نصر عبر صفحته الرسمية على موقع التواصل الإجتماعي فيسبوك: مجموعة الاهلى 3 فرق عربية والثلاثة شمال افريقيا  ده الكور كانت سخنة ولا ايه الجيش الملكى المغربى القوى وشبيبة القبائل الجزائرى مرة واحدة خصوصا فى ملعبهم وجماهيرهم ومعاهم يانج افريكانز.

وتابع نصر: كابتن بيبو كابتن سيد كابتن وليد واللعيبة كلها المنظر الحالى للفريق يخض ولا ينفع ياخد بطولات البداية علشان ترجع جماهيرك ومستواك هو كاس السوبر باذن الله ولازم رجولة وروح واكل النجيلة زى زمان  ولازم تقول انك الكبير بالفعل مش باسماء لعيبة رجع هيبتك وقيمة فانلتك الحمراء الطاغية والعكس لازم  عقوبات مالية صخمة جدا فى الاخفاق لاقدر الله علشان زى مافيه عقود بملايين الملايين نبقى للعقوبات زيها.

واختتم: القرعة صعبة نسبيا  لكن مش مجموعة موت مثلا يعنى عايزة اهلى دورى الابطال الحقيقى ساعتها هيتصدر باذن الله ويكمل المشوار ويكسبها مهما كانت المنافسة ويكمل وياخد كل البطولات فى ظل المنافسة العنيفة فى كل البطولات وربنا يكملها بالخير.

مجموعة الأهلي في دوري أبطال أفريقيا 

وتضم مجموعة الأهلي كلا من الجيش الملكي المغربي وشبيبة القبائل الجزائري ويانج افريكانز التنزاني.