مش عايزة غير حق بناتي.. والدة طفلتَي البحيرة تروي تفاصيل جديدة بعد ضبط عمهم المتهم بالاعتداء عليهما

في تطور جديد لقضية اعتداء عم على طفلتين بمحافظة البحيرة، وأثارها موقع " مصر تايمز " في وقت سابق، كشفت والدة الطفلتين " مليكة و مكة " تفاصيل مؤلمة عن لحظة اكتشافها عم البنات عليهن، مؤكدة ثقتها في العدالة ومطالبتها فقط بـ " حق بناتها " .

وكانت وزارة الداخلية استجابت لما نشره " مصر تايمز" بشأن مقطع الفيديو المتداول على مواقع التواصل الاجتماعي ، والذي تضمن استغاثة والدة الطفلتين بعد تعرضهما للاعتداء من عمهما .

 وبالفحص تمكنت الأجهزة الأمنية من ضبط المتهم، واتخاذ الإجراءات القانونية، بينما تباشر النيابة العامة التحقيقات لكشف كافة الملابسات .

وفي تصريحات خاصة لـ " مصر تايمز" ، قالت الأم إن بداية الكارثة كانت عندما ذهبت ابنتها " مليكة " لشراء حلوى من محل عمها ، لتفاجأ بعد عودتها بما لم تتخيله يومًا :

" هيّا مليكة كانت رايحة تشتري حاجة حلوة من عنده، استدرجها وقالها تعالي أنا عايزك، وقفل باب المحل واعتدى عليها ، رجعت بتقولي يا ماما ده جاب بريل وعمل حاجات وحشة .

وأضافت:

" نزلوا البنات منهارين، مليكة بتقول لمكة انتي مالك ؟ قالتلها ده عمك عمل فيا كذا وكذا. 

البنات كانوا بيعيطوا وبيحكوا لبعض، وبعد كده حكو لاختهم الكبيرة  وجت حكتلي ، وأنا كنت في حالة ذهول " .

وتتابع الأم وهي تحبس دموعها :

 " طلعت صحيت أبوهم من النوم ، قولتله يسمع بنفسه وميضربش ولا يحاسب حد . 

البنات حكو له كل اللي حصل، وتاني يوم روحت أكشف عليهم ، والدكتور قال لازم تروحي الطب الشرعي شرطة دمنهور وقفت جنبي وخلّوا البنات يتكلموا لوحدهم ، وحكوا كل حاجة .

وتروي الأم تفاصيل أكثر إيلامًا :

" أختهم الكبيرة قالتلي يا ماما ده عمل فيا كده النهارده . كنت في صدمة ، مش مصدقة اللي بسمعه وبعدين لما سألنا البنات في النيابة قالوا إن هو اللي اعتدى عليهم .. البنات الصغيرة دي مش ممكن تقول الكلام ده من نفسها " .

وأوضحت الأم أن المتهم خرج بكفالة رغم بشاعة الجريمة.. هو عنده 52 سنة ومتجوز ، وطلع بكفالة 10 آلاف جنيه . 

المحامي بيقول إنه مريض ، بس هو مش مريض  بيحاولوا يساومونا عشان نسكت، بس أنا مش هسكت " .

واختتمت الأم حديثها قائلة :

" أنا واثقة في قضاء مصر والنيابة، وعايزة حق بناتي وبس .. نفسيتنا بايظة ، وبناتي بيخافوا كل يوم . إحنا تعبنا ومش عايزين غير العدالة " .

وتواصل النيابة العامة بمحافظة البحيرة تحقيقاتها في الواقعة ، فيما أكدت الأجهزة الأمنية استمرارها في اتخاذ كافة الإجراءات القانونية لضمان تحقيق العدالة ومحاسبة الجاني .