عارفة عبد الرسول لـ"مصر تايمز" عن كواليس مشاركتها في فيلم ضي: اتفاجئت بوجود أحمد حلمي ضيف شرف
كشفت الفنانة عارفة عبد الرسول عن كواليس مشاركتها في فيلم "ضي" من إخراج المخرج كريم الشناوي، مؤكدة أنها لم تكن تعلم تفاصيل الدور في البداية، ولكنها وافقت فورًا بعد اتصال المخرج بها.
عارفة عبد الرسول تكشف كواليس مشاركتها في فيلم ضي
وقالت عبد الرسول في تصريح خاص لـ "مصر تايمز": "مكنتش عارفة الدور، ولكن كريم الشناوي اتصل بيا وقالي عايزك معايا في فيلم ضي، وأنا مش برفض طلب لكريم الشناوي، لأن أول فيلم ليه اداني فيه دور بطولة وهو (عيار ناري)، واشتغلت معاه كمان في (قابيل) وأكثر من عمل."
وأضافت: "من وقت ما كريم الشناوي اشتغل وأنا دايمًا معاه، وبحبه جدًا على المستوى الشخصي بعيدًا عن الشغل، ولما شوفت الدور لقيته لذيذ وخفيف على القلب."
وأشارت عارفة عبد الرسول إلى أنها فوجئت أثناء مشاهدة الفيلم بوجود عدد من النجوم الكبار كضيوف شرف، قائلة: "اتفاجئت إن في أحمد حلمي ضيف شرف، وفرحت جدًا بيه، وكمان في صبري فواز وتايسون، وفرحت جدًا بالدور وبالفيلم كله."
فيلم ضي
ويُعد فيلم "ضي" من أحدث الأعمال السينمائية المنتظر طرحها خلال الفترة المقبلة، ويشارك فيه عدد كبير من النجوم في إطار اجتماعي درامي يجمع بين الكوميديا والرسائل الإنسانية.
فيلم "ضي" من بطولة بدر محمد، أسيل عمران، إسلام مبارك، وحنين سعيد. تأليف هيثم دبور وإخراج كريم الشناوي، ومن إنتاج أحمد يوسف، هيثم دبور، كريم الشناوي.
ويشارك في الإنتاج كل من: بلو برنت، فيلم سكوير، سينرجي، أفلام مصر العالمية، ريد ستار، وسيني ويفز، بينما تتولى شركة بيج تايم التوزيع الخارجي.
