اعرف لونك السحري حسب برجك.. الطاقة والأناقة في علم الألوان

هل لاحظت إن في أيام معينة لما تلبس لون محدد يومك بيكون حلو ومليان طاقة إيجابية؟ والعكس صحيح؟ السر مش صدفة، لكنه مرتبط بعلم الطاقة والألوان اللي بيأثر بشكل مباشر على مزاجنا وحالتنا النفسية.

في المقال ده، هنتعرف على اللون المناسب لكل برج من الأبراج الـ12، واللي بيساعد على تعزيز الطاقة الداخلية، والتوازن والسلام النفسي.

استمتع بقراءة السطور التالية للتعرف على لون كل برج واللي يمنحك طاقة وتوازن، لأغراض التسلية فقط.

برج الحمل

اللون المناسب له هو الأحمر الناري، لون القوة والشجاعة. بيعزز الحماس والطاقة الإيجابية، وكل ما تحس إنك متردد أو مرهق، مجرد النظر ليه ممكن يغير حالتك فورًا.

برج الثور

الأخضر الزمردي هو لون الثبات والخصوبة، بيريّح الأعصاب وبيساعد على الاستقرار الداخلي. لو حاسس بتوتر أو ضغط نفسي، الأخضر هيرجعك لتوازنك بسرعة.

برج الجوزاء

لونك هو الأصفر الذهبي، لون الذكاء والإبداع. بيساعد على تحفيز التفكير الإيجابي والكلام الجميل، لكن الأفضل ترتديه باعتدال لأنه ممكن يزود الطاقة الزائدة أحيانًا.

برج السرطان

ألوانه المفضلة الأبيض والفضي، لأنها بتمنح راحة وسلام داخلي وتمتص التوتر. اللون الأبيض تحديدًا بيخلق إحساس بالهدوء والنقاء.

برج الأسد

لونك هو الذهبي والبرتقالي، رموز القوة والهيبة. الألوان دي بتجذب النجاح وبتقوي الثقة بالنفس.

برج العذراء

البيج والأخضر الزيتوني ألوان مناسبة لطبيعتك الهادئة والمنظمة، لأنها بتساعد على التركيز وبتمنح طاقة من التوازن بعد فترات الضغط.

برج الميزان

ألوانه الوردي والأزرق الفاتح، رموز للرومانسية والتوازن والصفاء الذهني.

برج العقرب

الأسود والموف الغامق بيعبروا عن الغموض والجاذبية، وبيمنحوا قوة داخلية وسحر خاص.

برج القوس

لونك هو البنفسجي والأزرق النيلي، ألوان التأمل والإلهام والطاقة الإيجابية.

برج الجدي

ألوانك الرمادي والبني الغامق، رموز الواقعية والثبات والعقلانية.

برج الدلو

ألوانه التركواز والأزرق، ألوان التواصل والإبداع والتحفيز.

برج الحوت

لونك هو الموف الفاتح والأزرق السماوي، ألوان الهدوء والرقي والسلام النفسي.