هيدي كرم عن شريك الحياة: هتكرهوا الاختيار المُبهر بسبب الضغوط المادية والنفسية
حرصت الفنانة هيدي كرم على تقديم مجموعة من النصائح لجمهورها، خاصة فيما يتعلق باختيار شريك الحياة، مشددة على أهمية التركيز على الراحة النفسية والتفاهم بدلاً من الانبهار بالمظاهر الخداعة.
هيدي كرم تقدم نصائح لجمهورها عن شريك الحياة
واستشهدت هيدي كرم بمثال بسيط لتقريب الفكرة، وذلك من خلال فيديو لها، عبر موقع تبادل الصور والفيديوهات القصيرة إنستجرام، قائلة: زي ما بنختار عربية تكون مريحة مش بس شكلها حلو، لازم كمان نختار شريك حياة نرتاح معاه مش بس يبهرك شكله.
وكتبت هيدي كرم على مقطع الفيديو الخاص بها: صدقوني ها تكرهوا الاختيار المُبهر في الاخر من كتر ما ها يتسببلكوا في ضغوط ماديه و نفسيه.
كانت أثارت الفنانة هيدي كرم الجدل خلال الساعات القليلة الماضية، وذلك بعد طلب غريب من جمهورها وأصدقائها في عيد ميلادها.
ونشرت هيدي كرم فيديو من خلال حسابها الرسمي عبر موقع تبادل الصور والفيديوهات القصيرة "إنستجرام" عبر خاصية استوري، قالت: "عيد ميلادي قرب وعندي طلب غريب جدًا .. أنا مش عايزة أي حد يعيد عليا بستوريز على السوشيال ميديا .. الموضوع بقى موتر جدًا ليا".
أضافت: "عارفين زمان لما كان الناس بتروح تنقط بعض في الأفراح وبيبقى في أجندة مكتوب فيها كل واحد نقط بكام .. علشان يجي الراجل ده لما يتزوج التاني ينقطه بنفس الفلوس".
تابعت: "حسيت إني مضطرة لما حد يعملي ستوري في عيد ميلادي لازم أردله الاستوري .. وأبقى عارفة مين عمل ستوري أي كلام ومين عمل ستوري حلوة .. وبقيت حاسة إني عندي ضغط عصبي بسبب كل الاستوريز اللي لازم أردها للناس في أعياد ميلادهم، وأنا مابفتكرش عيد ميلاد حد أصلًا ومش عايزة حد يفتكر عيد ميلادي".
استكملت: "عيد الميلاد ده يوم عادي ناس كتير في العالم اتولدوا في اليوم ده وملايين الناس ماتوا وهيموتوا في اليوم ده .. وبعدين عيد الميلاد ده بتبقى سنة كبرناها وعدت من عمرنا .. بس خلاص مش حدث لازم نحتفل به وأنا مش الأميرة ديانا .. ومش أنا بس الناس كلها بتحتفي بعيد ميلادها بشكل مبالغ فيه".
وأختتمت هيدي كرم حديثها قائلة:"اللي عايز يعيد عليا ممكن يبعتلي رسالة لكن بلاش ستوريز .. أنا بطلت أحط ستوريز لصحابي في أعياد ميلادهم .. وبقيت ممكن أقابلهم ونطفي شمعة على حتة كيكة".
