منة فضالي بعد وقف إطلاق النار في غزة: فخورة بالرئيس السيسي كمصرية من أصول فلسطينية
عبرت الفنانة منة فضالي عن تقديرها لجهود الرئيس عبد الفتاح السيسي بعد إعلان وقف إطلاق النار في قطاع غزة، مؤكدة فخرها بانتمائها لمصر وبدور القيادة المصرية في دعم القضية الفلسطينية.
منة فضالي توجه رسالة للرئيس السيسي
نشرت الفنانة منة فضالي عبر حسابها الرسمي على موقع تبادل الصور والفيديوهات القصيرة انستجرام رسالة وجهتها للرئيس عبد الفتاح السيسي قالت فيها: شكراً سيادة الرئيس عبد الفتاح السيسي على كل مجهودك ودعمك.. ربنا يخليك لينا ويديك الصحة ويحميك.. أنا كمصرية من أصول فلسطينية فخورة إنك رئيس مصر الغالية.. عاشت مصر أم الدنيا، والمنشور حظي بتفاعل كبير من متابعيها، الذين شاركوها الإعجاب بجهود الدولة المصرية في إنهاء التصعيد العسكري ودعمها المستمر للقضية الفلسطينية.
في سياق آخر، تعرضت الفنانة منة فضالي لكثير من الانتقادات خلال الأيام الماضية، وذلك بسبب ظهورها الدائم بملابس قصيرة وعارية مما جعلها تتصدر محرك البحث جوجل وتريند مواقع التواصل الاجتماعي.
وخرجت منة فضالي عن صمتها، وردت على هذا الانتقادات التي تعرضت لها، حيث نشرت صورة لها من خلال حسابها الرسمي عبر موقع تبادل الصور والفيديوهات القصيرة "إنستجرام"، وكتبت: "اوعي تصدق اللي تقولك صاحبتي وأختي حببتي او صاحبي واخويا و حبيبي إلا لو كان ب الفعل اصل الكلام ببلاش لكن الأفعال محتاجه مجهود ….. الفلوس حلوه و كل حاجه بس مش كل حاجه الفلوس لانها مش بتشتري الصحه والأهل واللي ماتو و فارقونا".
أضافت: "في حاجات كتير في حياتنا اهم من كل ده صاحبك دراعك، حبيبي قرشي، واخويا صحتي، ربنا ما يحوج حد لحد أبدا حتقولولي بتقولي الكلام ده ليه دلوقتي وانتي كل شويه في بلد و منين فلوس و الجو النيله ده أقولكم الحمدلله أنا اشتغلت كتير جدا جدا وده رصيدي يمكن حظي مش زي كل الناس بس أنا راضيه والحمدلله ب اللي ربنا ادهولي".
تابعت: "حتقولولي و انتي بتعرفي ربنا و انتي بتلبسي عريان أقولكم اه يمكن أنا عند ربنا احسن من ناس كتير يمكن بعمل خير كتير من غير إعلان لان اللي بيعمل خير مش لازم يقول دي حاجه بينك و بين ربنا بس كفايه اني عمري ما اذيت حد في حياتي بالعكس أنا دايما بتاذي".
استكملت: "اللي عاوزه اقولو محدش يعتمد علي حد ولا يصدق حد ولا يثق في حد في الزمن ده النفوس وحشه اوي علشان كده أنا دايما لوحدي او مع امي وكلابي و بس لان مفيش حد له امان".
أختتمت: "ربنا يحرس الجميع من شر نفوس الناس".
