باسم يوسف: إسرائيل باعت قصتها من خلال المؤثرين والمشاهير

علق الإعلامي باسم يوسف، على استخدامه للإيحاءات الخارجة، قائلا: "الكوميديا زي الأوبن بوفية فيها كذا أكله وطعم وذوق، اللي بيضحك في الكوميديا الدين والجنس والسياسة، أنا عارف إني بكسر شوية الحدود بس دي الكوميديا".

وأضاف يوسف خلال لقائه مع الإعلامي أحمد سالم ببرنامج "كلمة أخيرة"، على قناة on: "أنه كان ينوه قبل عرض برنامجه.. أنا كنت بعمل إيحاء لو مفهمتوش تبقى مؤدب، أنا بعمل الكوميديا اللي تعجني، ساعات بيكون في ألفاظ وإيحاءات وآراء سياسية لا تعجب الناس، دي سلعة تاخد اللي أنت عايزه أو لا متخدهاش خالص".

وعن ظهوره في الإعلام المصري بعد هذه السنوات، قال: "ده كان سببه علاقتي الشخصية مع طارق نور، كانت في علاقة صداقة ولما سبت مصر كان دايما بيودني ويسأل عليا، وآخر سنتين لقيت أهلي في مصر بيقولولي أنت فيديوهاتك ولقاءاتك بتنزل في التليفزيون المصري في القاهرة والناس، وبعدها طارق نور كان بيهنيني بعد ما أظهر في أي برنامج".

وتابع: "من سنة قالي أنا جايلك وجالي الرياض وقعدنا وقالي الكلام اللي بتقوله لازم تقوله في التليفزيون المصري، وطلب عرض الأمر من خلال تجربة شخصية.. الناس بتحب تسمع اللي وراء الكواليس، وأنا كنت متردد قوي، وقالي نعمل اللي علينا وتطلع تتكلم يمكن الكلام يفيد حد".

وتابع: "أنا ممكن مقدرش أشرح فلسطين إيه.. إحنا عايشين عصر المؤثرين والنجوم وممكن استغل الريتش في وصول التجارب الشخصية الل حصلتي في كواليس الإعلام الغربي في حاجات عن أساليبهم وطرقهم في الحوار".

واستطرد: "إسرائيل لم تروج لقصتها من خلال السياسيين أو أستاذة الجامعات أو الأكاديميين، إسرائيل باعت قصتها من خلال المؤثرين والمشاهير والأفلام والثقافة".