ولية أمر تنشر صورا صادمة لابنها بعد تعرضه للضرب المبرح من معلمة بمدرسة فى شبرا ( تفاصيل)
استغاثت ولية أمر بوزارة الداخليه عبر موقع التواصل الاجتماعي، بعد تعرض ابنها للضرب القاسي والشديد، من معلمه في مدرسة حافظ إبراهيم الرسمية للغات التابعة لإدارة الساحل التعليمية بشبرا مصر بمحافظة القاهرة.
أم تستغيث بالداخليه بسبب ضرب طفلها من معلمه
وكتبت ولية أمر الطفل ياسين عبر صفحتها الشخصية"فيسبوك"حسبى الله ونعم الوكيل، احنا بنودى ولادنا المدرسه علشان تتعلم ولا علشان تتروع نفسيا وتتاذى بدنيا كده .
دى صور ابنى الصغير ياسين راجعلى انهارده من المدرسه منهار وبيعيط وجسمه كله بالمنظر الى فى الصور".
وأضافت" ليه مدرسه تعمل فى عيل صغير كده تحبسه فى الفصل وتقفل باب الفصل عليه بعد خروج زمايله من الفصل وتسد باب الفصل باديسك وتنزل فيه ضرب بالعكاز الى معها وتكسره عليه والولد يفضل يصرخ ويقول لها انا اسف وهو معملش حاجه".
وأكدت على سبب الضرب أنه شئ بسيط قائله"كل ذنبه انه نسى مقلمته ورجع ياخدها وهى قاعده فى الفصل خبط فيها بكتفه تقوم تهجم عليه وتقفل باب الفصل وتحط ديسك علشان محدش يدخل وتفضل تلطيش فيه بالعكاز وبايديها على جسمه ووشه وتتعدى عليه لغايه ماالولاد بتوع ثانوى واعدادى يسمعوا صريخه ومدرسه ومدرس تانى يكسروا باب الفصل علشان ينجدوا ابنى من تحت ايدها".
وذكرت موقف مديرالمدرسه من تصرف المعلمه قائله"مدير المدرسه يقولى معلش اصلها تعبانه نفسيا تعبانه نفسيا تقعد فى بيتها ابنى كان ممكن يموت فى ايديها لو محدش لحقه قلبى مقهور على ابنى ومنظره وهو راجع مقهور وبيعيط ويقولى.. والله ماعملت لها حاجه دى كانت هتموتنى.. ابنى مش عاوز يرجع المدرسه ومدمر نفسيا .. انا اخذت الاجراءات القانونيه وعملت لها محضر بس خايفه حق ابنى يضيع فى بلد القانون والوسايط عاوزه حق ابنى انا وابوه مقهورين عليه .
