لاستكمال تعليمة .. طالب جامعي يتعرض لهجوم عقب الكشف عن عمله
مع بداية العام الدراسي الجديد ، عبر أحد الطلاب بكلمات مؤثرة عن كفاحه لاستكمال تعليمة ، والعمل بالعديد من المهام الشقة الذي تجعله يتكفل بنفسه في ظل ظروف عائلية صعبة التى وجد نفسه مقيد بها ، حيث عبر من خلال فيديو له عبر مواقع التواصل الإجتماعي عن كم الاستهزاء الذى تعرض له عقب الكشف عن مصدر دخله الوحيد الذى يستطيع من خلاله استكمال مراحله التعليمية .
قائلاً الشغل مش عيب.. العيب في اللي بتريق أنا إنسان زيكم.. ليه التريقة والضحك عليا أنا بشتغل علشان أعيش بكرامة، والشغل ده مصدر دخلي الوحيد اللي بيخلّيني أكمل الكلية.
السخرية والتريقة ما هتكسّرنيش،ناس كتير من أصدقائي في الكلية عرفت بسبب الترند اللي طلع عليا إني شغال في ميكانيكا السيارات والسمكرة بجانب الكلية.
وأستكمل حديثه إمبارح كان أول يوم دراسة ليا في الكلية، وبصراحة لقيت أصدقائي اتغيروا معايا نهائي بعد الترند، والمعاملة اتغيرت تمامًا، وتريقة ونظرات مهينة ليا ومش حلوة، أنا عايز أعرف ليه بيعملوا معايا كده، أنا ذنبي إيه؟ الشغل عمره ما كان عيب بالعكس ده ستر وكرامة، أنا بشتغل علشان أعرف أصرف على نفسي وأكمل دراستي وأوصل لحلمي اللي أنا نفسي فيه، والشغل ده هو اللي هيخليني أوصل لحلمي وأكون معاكم في الكلية".
مضيفاً اللي بيوجع في الموضوع إنه اتحول من ترند وقصة كفاح لتريقه وسخرية عليا، وأنا والله إنسان زي زيكم مليش ذنب في الظروف اللي ربنا حطني فيها أنا بعمل اللي عليا وبكفاح علشان أعيش مستور وأكون في مستوى كويس اللي أنا بحلم بيه، ولو الموضوع فضل كده وفضلوا يتريقوا عليا ويسخروا مني أنا هسيب الكلية خالص.
ويذكر أن حسن محمد ابن محافظة أسيوط وقد تراددت منذ فترة قصيرة قصته وسمي بالطالب المكافح حيث استطاع أن يجمع بين مهنه السمكرة وحلمه بدخول كلية طب العلاج الطبيعي ومن خلال مهنته لتوفير مصاريف دراسته الجامعية.
