إبراهيم سعيد لـ"مصر تايمز": "الخطيب عامل للأهلي هيبة وقيمة.. والنادي محتاجك دلوقتي"
علق إبراهيم سعيد نجم النادي الأهلي ومنتخب مصر السابق، على رحيل الكابتن محمود الخطيب عن رئاسة النادي الأهلي.
وقال إبراهيم سعيد في تصريحات خاصة لـ“مصر تايمز”: في تاريخ النادي هناك اسطورتين مينفعش نتكلم عليهم؛ كابتن صالح سليم وكابتن الخطيب هما دول أساس الأهلي.
وتابع نجم الأهلي السابق: بقول لكابتن الخطيب كمل، مفيش أنسب منك لقيادة الأهلي في تلك المرحلة، كم البطولات اللي حققتها سواء كلاعب أو رئيس نادي مين يقدر يحقق كل النجاحات دي.
وأضاف: الخطيب مسبش حاجه محققهاش، في ناس بتقول يمشي “انتو بتقولو ايه"، طبيعي أنه يحصل عدم توفيق في اختيار مدرب أو نتيجة مباراة لكن لو بصيت على مجمل المسيرة مش هتلاقي حد يعمل كل النجاحات اللي اتعملت دي.
وأشار إلى أن الخطيب قدر يعمل منتخب للأهلي مش فرقه، شوف كم النجوم الموجودة في الفريق، وأنت بتتكلم على فريق كسبان كل حاجه، يعني بيكسب ويدعم لأنه في الأساس لاعب كرة وفاهم بيعمل أيه.
واختتم نجم الأهلي السابق تصريحاته: الخطيب عامل للأهلي هيبة وقيمة، "بص لما يكلم أي حد أو يتدخل في أي موقف شوف بيتعامل أزاي".
