"متغلطش لأن محدش هينفعك يوم الحساب".. مراد مكرم يوجه رسالة لمشجعي كرة القدم
وجه الفنان مراد مكرم رسالة لـ مشجعي وجماهير كرة القدم، مشيرًا إلى الاستمتاع بها كرياضة ترفيهية، ولكن ليس كحياة بأكملها.
مراد مكرم يوجه رسالة لمشجعي كرة القدم
وكتب مراد مكرم من خلال حسابه الرسمي عبر موقع التواصل الاجتماعي "فيسبوك"، قال: تشجيع فريق كوره ،المفروض يبقي جزء صغير جدا من حياتك.. لو لقيت انه بيمثلك حاجه كبيره اوي واخده كل وقتك، يبقي حياتك فيها حاجه غلط و محتاجه اعادة ترتيب.. ليه بقي،لان انت المفروض يكون عندك دراسه او شغل و العيله و الاهل و اصدقاء و هوايات تنمي قدراتك ،وعبادات و أكل و شرب وحب و اختلافات مع من تحب و حاجات كتيييييير اوي".
أضاف: "ما ينفعش كل ده يتركن علي جنب و تركز في فرقة ،افرادها بياخدوا ملايين انت مش هتشوف منهم قرش صاغ، ما ينفعش تمرض او تخسر بني آدمين علشان فريق كوره..الكوره رياضه اي نعم بس في الآخر هي رياضه ترفيهيه معموله علشان تبسطك كمتفرج او مشجع" .
تابع: "فيه ناس مصلحتهم انك تبقي مهووس بفرقة ما، و يستخدموك لتصفية حسابات او للأذي او للقتل المعنوي.. دي كده ما بقتش رياضه،دي بقت حرب.. شجع ، ناكف في اغرامك، بس ما تتعصبش و ما تغلطش في حد،عارف ليه؟".
أختتم:"لانك لما تقف قدام ربنا،و يسألك علي لسانك ده ،مش هتقوله معلش اصلي كنت بشجع الفريق الفلاني!!!!! ما حدش هينفعك يوم الحساب و لا حد هينفعك برضه علي الارض لما تخسر ناس او تكسب عداوات.. تاني بقول ،شاكس و ناكف و شجع ، بس بأدب".
