كوكا ينتقد المصورين بسبب عزاء والد الشناوي.. ماذا قال؟

انتقد نجم النادي الأهلي والمنتخب المصري الظهير الأيسر أحمد نبيل كوكا المصورين بسبب المضايقات التي يتعرض لها المشاهير بشكل عام ولاعبي كرة القدم بشكل خاص.

أحمد نبيل كوكا ينتقد المصورين

ونشر أحد نبيل كوكا عبر خاصية الاستوري: ياخي بالله عليكم بطلوا تصورو حد في عزا كفايا بقا ده مش شغل متقولش بعمل شغلي ، هل انت تكون راضى ولدك ولا ولدتك متوفيين وتشوف قدامك ٥٠ واحد بيصوروك وانت في موقف زي ده؟ دی حاجه صح يعني او ده شغل يا اخي اعتبر مفيش عزا مفيش حد مات ومتروحش . 

وتابع كوكا: حط نفسك مكان اللي في الموقف الصعب ده ، هل اليوم ده لو مصورتش هيحصلك حاجه ، المناظر وكميات التليفونات والتصوير في المواقف دي بقت مرعبة والله ، طب فكر كده لو انت ربنا يديك الصحه ربنا افتكرك هتحب الناس تصور فى العزا بتاعك ولا يقفوا يدعولك.

واختتم نجم الأهلي: في حاجات محتاجه تفكر فيها وتخلي عندك دم وميبقاش كل هدفك الريتش والترند مش هينفعوك ب حاجه.

وفاة والد محمد الشناوي 

وتوفي والد حارس مرمى النادي الأهلي والمنتخب المصري الدولي محمد الشناوي اثر تعرضه لحادث اليم مساء أمس الثلاثاء بعد انقلاب سيارته على طريق الواحات ليفارق الحياة.