"ألم وأعراض جانبية".. تطورات الحالة الصحية لـ"أنغام"
وسط حالة من التوتر والقلق على النجمة أنغام من قِبل جمهورها ومحبيها، كشف الإعلامي محمود سعد عن آخر تطورات الحالة الصحية لها، وذلك بعد خضوعها لـ عمليتين جراحيتين لـ إزلة كيس على البنكرياس في ألمانيا مما أدى لـ تدهور حالتها الصحية.
تطورات الحالة الصحية لـ أنغام
وطمئن محمود سعد جمهور أنغام، حيث كتب من خلال حسابه الرسمي عبر موقع التواصل الاجتماعي "فيسبوك"، قال: "عايز اطمنكم على انغام لأن في اخبار كتير بتتنشر مش صحيحة".
أضاف: "لسة تداعيات الجراحة مسببالها ألم والاعراض الجانبية للعملية تستدعي بقائها في المستشفى ايام اخرى لغاية ما يسيطروا عليها.. انا باطمنكم عليها أول بأول علشان تبقوا عارفين الاخبار الدقيقة بعيدا عن الشائعات وعلشان طبعا وده الاهم تدعولها".
ريهام عبد الحكيم تدعم أنغام في أزمتها الأخيرة
حرصت المطربة ريهام عبد الحكيم على دعم النجمة أنغام في أزمتها الأخيرة، ونشرت ريهام عبد الحكيم صورة تجمعها بـ أنغام، من خلال حسابها الرسمي عبر موقع التواصل الاجتماعي "فيسبوك"، وكتبت:"فيها حاجة حلوة.. ومن أجمل الحاجات دي إن في بلدنا صوت زي صوتك يا أنغام.. صوتك مش مجرد غُنا، صوتك حاجة معجزة زي ما انتي قولتي في أغنيتك، بيدخل قلوبنا ويطبّب جراحنا قبل ما نحس بيها".
أضافت: "النهاردة كلنا بندعيلك من قلبنا إنك ترجعي لنا سلامة قلبك وبخير، وترجعي تغني وتقوليلنا اتجاه واحد هو طريق الفرح اللي صوتك بيرسمه لينا".
تابعت: "إنتي مش بس مطربة عظيمة، إنتي صديقة وأخت وحبيبة لينا كلنا.. وجمهورك اللي بيعشقك مستني يشوفك بين البينين والضحكة راجعة تنور وشك وتملأ الدنيا أمل".
وأختتمت ريهام عبد الحكيم حديثها بالدعاء لها:" ربنا يشفيكي ويقومك بالسلامة، ونشوفك قريب جدًا منوّرة المسرح، ترجعيلنا بتحب مين وسيدي وصالك و أكتبلك تعهد بصوتك اللي مفيش زيه".
