عاجل.. مريضة كبد كانت هتموت.. تحذيرات من إعلانات الدواء بالمترو والشوارع

حذر مواطن من إعلانات الأدوية بمحطات المترو والميادين الكبري ، مستعرضا تجربة لإحدى المواطنات بعد شرائها دواء من خلال هذه الإعلانات.

وقال محمود فؤاد،" تحذير النهارده مواطنه كانت هتموت..في اعلانات كتيرة علي محطات المترو والميادين الكبيرة لشراء ادويه من البيوت وكده..سيدة كبيرة ابنتها اشترت دواء من الناس دي عن طريق التليفون . المندوب شاب 18 سنة حضر علي عجلة وسلمها الدواء سعره الرسمي 322 جنيه خدته ب 200 جنيه للكبد ..بعدها حصل إغماء للسيدة ثم غيبوبه ودخلت القصر العيني القديم والحمدالله تم انقاذها"

وتابع ،" الصيدلانية اللي تابعت الحاله حاولت مع بنت المريضه إبلاغ الشرطه بدون فايده علشان الشوشرة علي الأسرة وانها اضطرت لرخص الدواء اللي الست كانت بتقدر تشتريه ولم تعد تستطيع  ياريت محدش يشتري الأدوية دي ومحدش يستغل العوز والفقر ويضحك علي الناس .

واستطرد،" الست دي لو ماتت مكنش حد هيعرف الاسباب ايه واكيد في مشاكل حصلت ومحدش عرف ليه . الدواء بيجي من الصيدليه فقط حكايه السعر للحالات الصعبه غير المؤمن عليها او بدون عمل ناس كتير وجمعيات بتتكفل بيهاواي مريض يستحق ع الخاص بشرط روشته باسم المريض والرقم القومي ورقم واتساب بنفس اسم المريض في مجموعات عاملين كده لاسباب تخصهم . بدون ادويه الاورام كلها".