رانيا فريد شوقي تحيي ذكرى ميلاد هدى سلطان (صور)

أحيت الفنانة رانيا فريد شوقي ذكرى ميلاد الفنانة القديرة هدى سلطان الـ 100، التي تحل اليوم الجمعة، الموافق 15 أغسطس.

رانيا فريد شوقي تحيي ذكرى ميلاد هدى سلطان

ونشرت رانيا فريد شوقي صور تجمعها به، من خلال حسابها الرسمي عبر موقع التواصل الاجتماعي فيسبوك، وكتبت: "النهاردة عيد ميلاد طنط هدى سلطان، أم إخواتي وأمنا كلنا، من وأنا طفلة كنت بشوفها كتير في كل المناسبات العائلية، وكانت رشا بنت ناهد، اختي، بتعد معاها أيام".

أضافت:"كانت ام و جده حنينة اوي.. كنا بنروح ناخد رشا من عندها في البيت، عمارة جنب بيت السادات اللي على النيل، وكانت دايمًا تهزر معانا وضحكتها كانت حلوة أوي". 

تابعت:"ومن أجمل الحاجات لما كانت تغني في المناسبات العائلية… كانت لحظة استمتاع حقيقية في وسط جو عائلي كله حب ودفء". 

استكملت:"لغاية ما كبرت واشتغلت معاها، كانت أمي في مسلسل 'أحلام البنات'، من أجمل المسلسلات وأحلى الأوقات في التصوير كنت احب انكشها و اتكلم عن بابا و هي ترجع للذكريات و تحكيلي و عنيها  و وشها كله حب و 
يوم عيد الأم وإحنا بنصور، جبت تورته واحتفلنا بيها فرحت أوي حبيبتي 
فريدة وملك بناتي جم يومها التصوير اول لما شفتهم،خدتهم بالحضن وندت على المصور وقالتله: 'صورني مع أحفادي'. وكمان قالتلي: 'كلميلي سهير'، اللي هي أمي، وكلمت ماما قالتلها بنتنا بتحتفل بيا في عيد الأم… اعدوا يرغوا ويهزروا سوا". 

أختتمت:"ومن المسلسل ده بقي بينا علاقة خاصة ام و بنتها.. أقولكم السر 
كلنا جمعنا حب فريد شوقي.".. الله يرحمهم جميعا ويغفر لهم ويسكنهم فسيح جناته".