مصطفى بكري يكشف تفاصيل مؤامرة إسرائيلية إخوانية تستهدف سيناء
أكد الإعلامي مصطفى بكري، أن مصر تتعرض لمؤامرة تستهدف سيناء في المقام الأول.
وقال بكري خلال برنامج «حقائق وأسرار» على قناة صدى البلد «نحن أمام مرحلة خطيرة في التاريخ المعاصر، إحنا في مرحلة خطر واللي مش فاهم كده مش بيقرأ الواقع كويس، واللي مش عارف إسرائيل بتعمل إيه مش شايف الواقع، واللي مش شايف الأطراف اليل بتحاول تعمل قتنة عربية يبقى مش شايف الواقع، هناك تحالف إسرائيلي إخواني معلن هدفه سيناء بالأساس».
وتابع «عايز أطمنكم زي ما محافظ شمال سيناء قال إن لدينا سلاح يحمي الأمن القومي، جيشنا يقف على الحدود لحماية الأمن القومي، نتعامل بالدبلوماسية وساكتين وحلوين لكن وقت الجد والخطر هتشوفوا وش تاني».
وتابع «وبقول الكلام تاني لكل من يعنيه الأمر للصهاينة والإخوان والإثيوبيين ومن يدعموهم من خلف ستار، وبعض المحسوبين على حركة حماس الذين يلعبون لصالح الإخوان، لا أتهم الحركة بل أطراف محددة داخلها، أوعوا تفتكروا إن حلم مصر وهدوء القيادة السياسية سيظل للأبد، وقت الجد هتشوفوا وش تاني».
