عاجل.. حق "نورزاد" فين.. هاشتاج يتصدر السوشيال ميديا بعد وفاة الطالبة ضحية الإهمال الطبي بمستشفى النزهة

طالب أهالي وأصدقاء الطالبة نورزاد التي توفيت نتيجة الإهمال الطبي بعد دخولها لإجراء عملية منظار لتخرج جثة هامدة، بمحاسبة المسئولين عن وفاتها في مستشفى النزهة الدولي.

وقالت أحد أقارب الطالبة "نور زاد"، حق_نورزاد_فين،  بنتنا "نورزاد محمد هاشم" ٢٣ سنة خريجة هندسة الجامعة الألمانية دفعه ٢٠٢٤، راحت تعمل عملية بمنظار  في مستشفى النزهة الدولى بمساكن شيراتون خرجت منه في غيبوبة و بدل ما تروح بيتها راحت علي المشرحة".

وتابعت في منشور لها على موقع التواصل الاجتماعي،" ايه الحصل في؟؟  

"الدكتور أثناء العملية تسبب في ثقب في الإثنى عشر، والمستشفى قررت تستنى يومين من غير تدخل، لحد ما جسمها دخل في تسمم دموي.. ودخلت جراحة متأخرة… وبعدها حصلت لها مشاكل تنفسية واضحة، وماحدش عرف يشخّصها، وكل اللي عملوه مسكنات… لحد ما حصل لها اختناق تاني".

وتابعت، “ طلبنا من دكتور الرعاية يتدخل، رفض وقال: "مافيش داعي للمبالغة".
بعدها قلبها وقف ٤٥ دقيقة، معرفش يركب أنبوبة جهاز التنفس والمخ أتدمر عشان مفيش أكسجين ودخلت غيبوبة، وماتت بعدها بأسبوعين..دي مش غلطة… دي جريمة إهمال واضح".

وقالت،" بنتنا راحت علشان ناس تأخرت، اتاخرت في قرارتها وسكتت، ومخفتش على حياتها".