مي حلمي تعترض على منع الجلابية .. "تعيب صاحبها في ايه؟"
هاجمت الإعلامية مي حلمي القوانين الموجودة في بعض الأندية، والتي تمنع ارتداء بعض الناس للجلابية، وأعربت عن استيائها الشديد من هذه الأفعال، مشيرة إلى أن هذه الجلابية لا تُعيب صاحبها في شئ، بالإضافة إلى أنها تراث في مصر.
مي حلمي تعترض على منع الجلابية في الأندية
وكتبت مي حلمي من خلال حسابها الرسمي عبر موقع تبادل الصور والفيديوهات القصيرة "إنستجرام"، عبر خاصية استوري، قالت:"انا ضد انك تمنع الاهالي يدخلو نادي بجلبيه ضد العنصرية دي.. ده تراث".
أضافت :"الجلبية تعيب صاحبها في ايه ؟ ولا انت بتعنصرها جلبيه عن جلبيه ؟ لو جاتلك جلبيه تانيه هيقعد ويتفرج علي ابنه وهو بيلعب وتشيله فوق راسك، وجلبية ابن بلدك مش عجباك، لان العيب مش في صاحب الجلبيه ولا المصري ولا الغير مصري العيب في الي قال مافيش دخول بجلابيه".
تابعت: "انت تعرف منين هو عامل ايه عشان يوفر لابنه انه يلعب في نادي وجي من اخر الدنيا عشان يتفرج ويفرح بابنه وهو بيلعب تحرمه ليه من فرحته بابنه تعيبه في ايه الجلابيه مش فاهمه الجلابيه مابقتش عجباكم ولا تليق بدخول نادي".
وقالت :"اب شقيان وتعبان علي ابنه ومتمرمط وجي وراه عشان يتفرج عليه وهو بيلعب وتقولو لا مش هتدخل عشان لابس جلابيه ايه الي بيجرا بجد.. ازاي الموازين اتعكست كده؟".
واستكملت: "سؤالي تعيب الجلابيه صاحبها في ايه دي تراث بلدك، وطبيعة أهالي ولبس اهالي نص بلدك الجلابيه يعني هي الفرجة علي الماتشات دلوقتي بقت بالسموكي والسيجار".
واختتمت: "ماكنتوش دورتو علي اللاعيبه في حواري مصر والبرازيل وافريقيا كنتو رحتو تدورو عليهم في موناكو وسانت موريس بقي امنعه ينزل ارضيه الملعب لكن تمنعه من أنه يتفرج علي ابنه لا اسفه غير مقبول هل دي حاجه جديده علي مصر اللبس ده ده طول عمرها الفرق القوميه واكبر العروض الي كانت بتلف العالم.. كانت بتتعمل بالجلابية تراث".
