ميدو يودع شيكابالا برسالة مؤثرة.. ماذا قال؟

وجه نجم نادي الزمالك والمنتخب المصري العالمي أحمد حسام ميدو نجم رسالة خاصة ومؤثرة إلى محمود عبد الرازق شيكابالا، بعد إعلانه اعتزال لعب كرة القدم نهائيا.

ميدو يودع شيكابالا 

وقال ميدو في تصريحات نشرها عبر حسابه الشخصي على منصة إكس: شيكابالا مش زي أي لاعب عادي، لأنه ببساطة كان إنسان قبل ما يكون لاعب كرة، ربنا أنعم عليه بموهبة فطرية، ومعاها قلب طيب زي معظم أهلنا في أسوان."

وأضاف: أعرفه كويس جدًا، راجل وجدع من صغره، وزاملته في الملعب وكان قيمة فنية نادرة في الكرة المصرية، ودربته في الزمالك والإسماعيلي، وكان دايمًا يقدر يقلب أي مباراة بموهبته.

وتابع: شيكابالا اتولد وعاش جوه نادي الزمالك، وفضّل يكون أسطورة النادي، على مدار 30 سنة لعب كورة في قطاع الناشئين والفريق الأول، لحد ما بقى كابتن تاريخي.

واستكمل: "رغم إن الظروف ما كانتش دايمًا في صالحه، كان دايمًا بيرجع لبيته الزمالك، شايل الفريق على كتفه في أصعب اللحظات، وقائد حقيقي للأجيال اللي جات بعده."

واختتم: النهاردة بعد ما قرر يعلق الحذاء، مكانه الطبيعي هو مدرج التالتة يمين، زي ما بدأ من 30 سنة، واسمه لازم يتكتب وسط أساطير الزمالك بحروف من نور، رحلة انتهت، لكن الأسطورة هتفضل.

شيكابالا يعتزل كرة القدم 

وكان شيكابالا قد أعلن مساء أمس اعتزاله لعب كرة القدم بشكل نهائي وذلك خلال استضافته ببرنامج الكورة مع فايق والذي يقدمه الإعلامي إبراهيم فايق عبر شاشة قناة ام بي سي مصر 2.