"كنت طفلة شايلة طفلة".. رسالة مؤثرة من هدى زاهر لابنتيها
عبرت الفنانة هدى زاهر بتخرج ابنتها، ونجاح مشروعها فيلم “شنطة سفر”، وذلك عبر خاصية الاستوري على حسابها الرسمي على موقع التواصل الاجتماعي لتبادل الصور والفيديوهات الانستجرام.
وكتبت هدى زاهر عبر خاصية الاستوري على حسابها الرسمي على موقع التواصل الاجتماعي لتبادل الصور والفيديوهات الانستجرام: “طيب أنا محتاجه اقول كلمتين من قلبي .. أنا شيلت ملك علي ايدي وانا عندي ١٩ سنه كنت طفله شايله طفله وشيلت ليلي وانا ٢٠ سنه والطفله لسه مكبرتش برضو ملحقتش .. وكبرت معاهم وكبروا معايا”.
وأضافت: “عيشنا مع بعض ايام حلوه وأيام صعبه اوي اوي، لولا وجودهم جمبي وهما صغيرين ودعمهم ليا ولابوهم وهما صغيرين جدا كنت بستغرب بيجيبوا القوه دي منين.. دول لسه صغيرين”.
وأوضحت: “اكتشفت اني معنديش اصحاب ولقيتهم الذبنات ودمهم خفيف وعسل وسكر و .. ماهو كده كده الام لازم تصاحب بناتها بس صداقتنا كان ليها شكل تاني”.
وأكدت: “ملك .. انتي مش بنتي انتي امي وصاحبتي وكاتمه أسراري وأخذه مشترياتي واحن قلب عليا علي وش الارض ليلي.. انتي صاحبتي اللذيذه الي دمها زي الشربات بتهوني عليا الدنيا وبتبسطيلي كل الأمور وبتلبسي لبسي قبل ما البسه”.
وأشارت إلى فخرها بهن: “النهارده اتفرجت علي مجهودكم وتعبكم والله حسيت بفخر كده وبصيت للسما وقلت لربنا شكرا علي اغلي واجمل بنتين وهديتين اغلي من كنوز الدنيا شرفتوني بأخلاقكم وتربيتهم ودراستهم وشكرا يا حبيبي يالله اني عشت وشفت نجاحهم وخلتني فخوره ببناتي في وسط عبادك ... مشاعري متلخبطه اوي وحاسه بفرحه وفخر ربنا يجبرلي قلبكم انكم خليتوني يا بنات قلبي وروحي احس بيه الف مبروك يا حبايبي”.
