رئيسة المطبخ داخل الحانة.. سلوى عثمان تكشف لـ"مصر تايمز" عن دورها بـ"مملكة الحرير"

كشفت الفنانة سلوى عثمان عن تفاصيل شخصيتها في مسلسل مملكة الحرير الذي تدور أحداثه في عصر قديم ينتمي لأجواء الفانتازيا، مؤكدة أن العمل لا يرتبط بالزمن الحالي، بل ينتمي لعصور قديمة خيالية.

وأوضحت في تصريح خاص لـ"مصر تايمز"، أنها تجسد دور رئيسة المطبخ داخل الحانة التي تمثل أحد المواقع الأساسية في المسلسل، قائلة:"هما بيمر عليهم شخصيات كتيرة مختلفة، أنا في حانه من الحانات لأن المسلسل بينتمي لعصر قديم فانتازيا، أنا رئيسة المطبخ، ويشاركني زوجي في العمل اللي بيجسد دوره الفنان محمود البزاوي، وهو كمان رئيس مطبخ معايا، بس هو ليه خط درامي تاني شوية لأنه بيكتب وبيألف حاجات بتطلب منه من صاحب الحانة".

وأكدت أن شخصيتها ليست معقدة أو مركبة، لكنها إنسانة بسيطة ومتعاونة، وأضافت: "هي شخصية عادية، ما فيهاش تركيب ولا صراعات داخلية، هي بتتعاون مع حد أو بتساعد في حل مشكلة معينة، غير كده حياتها بسيطة".

أما عن كواليس التصوير، فأشادت بالمخرج وفريق العمل، قائلة: “الكواليس كانت جميلة جدًا، والمخرج كويس جدا بيحب شغله جدًا، وبيحب الممثلين اللي شغالين معاه، وده كان باين في كل تفاصيل الشغل، هو مخرج كبير وعمل أعمال كبيرة قبل كده، وأنا اشتغلت معاه قبل كده في مسلسل الاختيار 2، وهو مش بس مخرج شاطر، لا، كمان شخصيته جميلة على المستوى الإنساني، وكواليس المسلسل كانت جميلة جدا، وبيتر هادي في الاستديو مش بينفعل كتير”.

وتابعت: “جذبني في المسلسل اني هشتغل مع بيتر ميمي، لان الدور مش كبير، اللي هو مش خطير محدش يعرف يعمله غيري أنا”.