شيرين رضا: جمالي هدية من ربنا.. والمهم إني اكون مبسوطة
حلت الفنانة شيرين رضا والفنان مينا مسعود ضيوف في برنامج معكم منى الشاذلي، تقديم الإعلامية منى الشاذلي، وذلك بعد طرح فيلمهما الجديد "في عز الضهر".
أبرز تصريحات شيرين رضا مع منى الشاذلي
وكشفت شيرين رضا خلال اللقاء عن المشاكل التي واجهتها بسبب جمالها، ونصائح والدها لها.
وقالت:" بابا كان بيحب التصوير جدًا، وكان عنده صبر يصورني بكاميرا سينما صغيرة، وده خلاني أتعود على الكاميرا وما أخافش منها".
وأضافت: "الجمال بالنسبة لي كان نعمة، مش نقمة، دي هدية من ربنا، صحيح إنه تسببلي في شوية مشاكل، بس عديت كل ده".
وتابعت:"أبويا قال لي إنتي حلوة قوي وده هيجيبلك مشاكل كتير، وفهمني الدنيا ماشية إزاي، وبالفعل حصل كدة... بس في النهاية، مش مهم الناس مبسوطة ولا لأ، المهم إن أنا أكون مبسوطة".
قصة وأبطال فيلم في عز الضهر
وتدور أحداث فيلم "في عز الضهر" في إطار التشويق والأكشن، ويجسد مينا مسعود في الفيلم دور زعيم عصابة دولية، وهو أول فيلم له في مصر.
وفيلم "في عز الضهر" من بطولة عدد كبير من نجوم الفن أبرزهم مينا مسعود وميرنا نور الدين ومحمد علي رزق ومحمد عز وأحمد جمال سعيد، ومحمود حجازي وإيهاب فهمي، وبيومي فؤاد، وشيرين رضا، إنتاج وليد صبري، تأليف كريم سرور، وإخراج مرقص عادل.
