لميس الحديدى: نتيجة الماتش معقولة والأهلي لعب مباراة مشرفة
الإثنين 08/فبراير/2021 - 11:08 م
علقت الإعلامية لميس الحديدى، على نتيجة مباراة النادي الأهلى أمام "بايرن ميونخ " قائلًة:"المباراة خلصت، والنتيجة معقولة جداً، الناس الى كانت متوقعة 6-0 أو 8، مش عايزة أتكلم الحمد لله".
وتابعت "الحديدى"، عبر برنامجها " كلمة أخيرة " المذاع على قناة "ON" قائلة:" كتير من مشجعي الزمالك كانوا منتظرين 6 لبايرن ميونخ، وأنا بقلهم بلاش الموضوع ده، إنتوا عارفين كويس 6-1 بيروح فين وبيجي لمين وبلاش نتكلم عليه.
وأضافت، كنت أتمنى أن كل المشاعر تبقى لصالح النادي الأهلى بإعتباره ممثلاً لمصر لكن هنعمل إيه، ده قدرنا لكن الأهلي لعب مباراة مشرفة، ونحترمها وكل الناس الى كانت متخيلة نتيجة برشلونة، لازم تعرفوا أن الأهلى محترم ومتماسك، وممكن ميكنش عنده أفضل اللاعبين، لكن الأهلى متماسك بروح الفانلة الحمرا الي أنتوا كمشجعين زمالك ببتريقوا عليها.
