"فرحة الأهلاوية بتوجعني".. المخرج محمد سامى يعلق على مباراة الأهلى والدحيل
الجمعة 05/فبراير/2021 - 10:54 ص
علق المخرج محمد سامي، عبر حسابه الرسمي عبر موقع التواصل الاجتماعى "فيسبوك" على مباراة الأهلي والدحيل، معبرا عن ندمه لعدم تشجيع النادي الأهلى، قائلًا: "من أكتر الحاجات اللي بندم عليها فحياتي إني مطلعتش أهلاوي، الفرحه اللي بشوفها فعين صحابي و أقرايبي الأهلاويه من و أنا صغير بتوجعني أوي".
وتابع: " وبفضل أقول لنفسي ليه يا رب مخلقتنيش أهلاوي كان زمان حاجات كتير فرقت، بس يالا رزقي و أنا راضي وحامد و شاكر، وربنا مابيديش كل حاجه و الحمد لله يمكن خد مني دي و باركلي فصحتي أنا و بناتي و مراتي و أهلي، مبروك للنادي الأهلي اللي داًيما مشرف كل المصريين ، وبالمناسبه أنا بتلكك و الأهلي بيلاعب فرق مش مصرية وبشجعه، أهو الواحد يسرق شوية فرحه".
يذكر أن المخرج محمد سامي، يقوم بتصوير مسلسل "نسل الاغراب" المقرر عرضه فى رمضان القادم 2021، ويعد من بطولة كلًا من أمير كرارة، أحمد السقا، مى عمر، دياب، فردوس عبد الحميد، أحمد مالك، أحمد داش، وآخرين، تأليف وإخراج محمد سامى، إنتاج سينرجى.
