ريهام سعيد للمتزوجات: "أوعي تطلقي وسامحي علشان ولادك"
الأربعاء 03/فبراير/2021 - 09:57 ص
حرصت الإعلامية ريهام سعيد، على توجيه بعض النصائح للمتزوجات، قائلة: "زمان وأنا صغيرة كنت أقول اللى مش مرتاحة مع زوجها لازم تتطلق.. واللى مش عايشة ملكة لازم تتطلق، ومينفعش تبقى قاعدة عشان بيتصرف عليكي"، مضيفة: "عارفة بعد كلامي الدنيا هتتقلب عليا".
وأضافت ريهام سعيد، خلال برنامجها "صبايا الخير": "تعرضت للطلاق في العشرين من عمرى، وكنت واخدة الموضوع كأني بطلة أني عملت كدا.. وأؤكد أنه شيء مؤلم أن تعيش المرأة حياتها، بدون تفاهم من زوجها، ولكن الأكيد أن هناك طرق أخرى بخلاف الطلاق، وبعد ما كبرت.. بدأت أغير كل الكلام اللى كنت بقوله لما بدأت في المحور من 20 سنة.. أوعي تتطلقى ولا تمشى ورا اللى بيقول كرامتك وشكلك ومش عارف إيه.. لا.. وخصوصًا حينما يكون لديكم أطفال.. يجب الوصول لحل بلا خناقات، وأن يتم تجنب الطلاق.. يجب الوصول لحلول مرضية لكافة الأطراف".
