مي الغيطي تكشف سبب إختفائها وتفاصيل تعرضها لحادث في تايلاند (تفاصيل)

تصدرت الفنانة مي الغيطي محرك البحث جوجل وتريند مواقع التواصل الإجتماعي خلال الساعات القليلة الماضية، وذلك بعد كشفها عن سبب إختفائها و تعرضها لحادث خطير في تايلاند.

وغابت الفنانة مي الغيطي عن الساحة الفنية و مواقع التواصل الإجتماعي فترة كبير، الأمر الذي اثار قلق الجمهور عليها، لتكشف بعد 7 شهور من غيابها عن السبب و تشارك جمهورها صور من الحادث الذي تعرضت له في تايلاند.

ما هو سبب إختفاء مي الغيطي فترة طويلة؟

أعلنت الفنانة مي الغيطي عن سبب غيابها طوال هذه المده من خلال منشور لها عبر موقع تبادل الصور والفديوهات القصيرة إنستجرام، كشفت فيه تفاصيل الحادث وعرضت بعض الصور أثناء تلقيها العلاج.

وقالت مي الغيطي: “ في ناس كتير بتسألني أنا كنت مختفية ليه”.

وأضافت مي: “ من 7 شهور كنت في حادثة حصلت في تايلاند، اتخبطت بعربية نقل في العربية اللي كنت فيها، واتصبت إصابة بالغة”.

وتابعت: " حصلي كسر في حوضي، وإصابة في العمود الفقري، وكان عندي إصابات داخلية ونزيف داخلي، وتلف في الأعصاب في رجلي" .

وقالت: “ قعدت في المستشفي أسابيع في تايلاند ورجعت مصر عشان أكون مع أهلي و أتعالج وسط دعمهم”.

وتابعت: “ مكنتش حابة أشارك اللي حصل وقتها، كنت محتاجة وقت اتعافي بعيد عن اي ضغط، بعد علاج طبيعي فترة وكل شوية نكتشف حاجة جديدة أنا دلوقتي احسن بكتير جدًا الحمد لله، ودي حاجة محدش كان متخيلها بعد فترة نسبيًا قليلة”.

وأختتمت مني الغيطي: "حاسة أني كنت عايزة أشارك ده دلوقتي عشان أقول إن الجسم عنده قدرة رهيبة علي الشفاء.. أقوي بكتير مما نتخيل و ان التعافي بياخد وقت، بس بيجي لو انت بتمر بوقت صعب، ارجوك كون صبور مع نفسك عشان عدم فقدانك إيمانك انك هتكون احسن بجد بيفرق في قدرتنا علي تحمل الصعاب".