تامر حسين يوجه رسالة للهضبة بعد حفله بدبي: " أنت فى حتة تانية"

نشر الشاعر تامر حسين عبر موقع التواصل الاجتماعى "فيس بوك" صورة مع الهضبة عمرو دياب ووجه له رسالة بعد نجاح حفل الأخير الذى أقيم فى دبي مساء أمس الجمعة .

وعلق "حسين"  قائلاً: ليه عمرو دياب ف حتة تانيه وتالته عندى على الأقل ... بأخلاقه قبل فنه وأبسط الأمثلة حفلة إمبارح  الراجل قدمنا وقدم لنا التحية أنا وعزيز الشافعى كعادته وبذوقه المعروف وخرجنا ... إشتغلت اتعلموا  وشافنى باك ستيدج ندهلى تانى ،وقالهم هو اللى عامل الأغنية دى مش عايز حتى يروح منى كريديت ان الناس تعرف ان الأغنية دى بتاعتى وإدانى المايك لتانى مرة بعد ما غنيت قدام مرايتها عشان  أغنى الكوبليه يتعلموا ويقلدوا وواقف بيسقف  وكفايه فرحته اللى باينه فى عينه بناسه وفريق عمله واللى بيعمله عمرو  دياب حقيقى قُليل ونادر جداً وعايز فنان سوي نفسياً  و واثق من نفسه يمكن التفاصيل دى تبان بسيطة لكن ليها الف معنى عند اى صانع لما بيحس بمنتهى التقدير وانه مهم بالنسبه للمطرب اللى بيشتغل معاه نفسياً وأدبياً ومعنوياً عمرو دياب .

وكان الهضبة عمرو دياب، قد شارك جمهوره بصور من كواليس حفلة في دبي، وذلك على حسابه الرسمي عبر موقع التواصل الاجتماعى "فيس بوك"،كاتبًا: "من بروفة نهائي فرقة  عمرو دياب اليوم في ملعب دبي الدولي".

وأقيم النجم عمرو دياب، أمس  حفلًا غنائيا في مدينة "دبي"، ضمن مهرجان التسوق الذي انطلق الشهر الحالي، في حفلة هي الأولى لـ"الهضبة" في2021 بعد طرحة ألبوم "يا أنا يا لأ" والذي حقق نجاحاً مبهراً.