مشادة كلامية بين ريهام سعيد ومتابعيها بسبب "التورتة الجنسية"

وردت إحدى المتابعات على تضامنها مع السيدات، قائلة: "رحمة ايه شوية عواجيز متصابين ماشفوش تربية وعقول منحلة .. ارحمي انتي نفسك من الانحياز للطبقات العليا عشان لاتتهمي بالعنصرية"، لترد ريهام، قائلة: "ولادهم ذنبهم ايه.. وبعدين الفرق بينا وبينهم انهم اتفضحوا لكن مفيش حد فينا مبيغلطش".

وقالت الإعلامية ريهام سعيد، خلال برنامجها "صبايا الخير" المذاع على شاشة "النهار"، :"ممكن انتقد حاجة متعجبنيش.. ولكن لما توصل للفضيحة فهذا شيء قميء، لأنه لا يخص صاحب الخطأ فقط، بل أحفاده وزملائه وحياته".

وأضافت قائلة: "لما شخص يتباهي  بشيء غير مقبول ومقزز، فى مكان عام وينشرها، يبقى بينشر نوع من أنواع الفجور.. الصور واضح إنها اتاخدت خلسة، ولن أعلق كثيرًا، ولكن لما تلاقوا حد عامل حاجة غلط، والحاجة دى تتفضح وتظهر للنور.. أرجو الرحمة.. لما شخص يتصور في مكان أو عزومة ما بشكل خطأ، لازم تفكروا في الناس المحيطين بهم، وتعرفوا إن من ستر مؤمنًا ستره الله يوم القيامة، وهناك فرق بين مناقشة القضايا وجلد الناس".

وأكدت الإعلامية ريهام سعيد، أن ما حدث أمر خاطيء وغير مقبول، ولكن لا بد من الرحمة لأن الواقعة لا تتوقف على الأشخاص أنفسهم فقط، وقالت: "اللى حصل خطأ.. ومشوفتش حاجة زى كدا من قبل.. لكن أرجو الرحمة".