بعد نجاح "إسعاف يونس".. محمد أنور: "شكرًا لكل الجمهور اللى فرحنى بتعليقاته"

عبر الفنان الشاب محمد أنور، عن سعادته بنجاح الموسم الأول من مسلسله الجديد بعنوان "اسعاف يونس"، والذى تم عرضه على منصة "watch it".

وكتب أنور، عبر صفحته الرسمية على موقع التواصل الاجتماعي "فيس بوك": "الحمد لله.. كده تقدروا تشوفوا الموسم الأول من مسلسل إسعاف يونس كاملاً علىwatch it ، شكراً لكل الجمهور اللى فرحنى بتعليقاته ولكل حد عملى رسمة أو ديزاين أو فيديو".

 

وأضاف: "عايز أشكر كل فريق العمل اللى تعب ف المسلسل..  شكراً شركة سينرجى والمنتج تامر مرسى، شكراً الأستاذ حسام شوقى، شكراً الأستاذ معتز التونى وفريق عمله، شكراً للمؤلفين مصطفى عمر وفاروق هاشم وورشة الكتابة أحمد دوجلاس وخليفة سمير وأحمد فوزى، شكراً المنتج الفنى تامر فتحى وأحمد فرغلى وفريق عملهم، شكراً لكل القائمين على واتش ات".

 

وتابع: "شكراً لكل زمايلى اللى اشتغلت معاهم فى المسلسل، وشكراً لكل اخواتى وأصحابى اللى شرفونى كا ضيوف شرف فى المسلسل، شكراً مدير التصوير مصطفى فهمى وفريق عمله، شكراً فريق عمل السوشيال ميديا فى هاشتاج وواتش ات، شكراً لكل القائمين على الإدارة المالية - المونتاج - الموسيقى التصويرية - المكساج - الكوافير - المؤثرات البصرية، وشكر خاص من كل قلبى لكل العمال والفنيين والمساعدين، مبروك علينا كلنا النجاح ويارب دايماً نقدر نقدم حاجات تبسطكم".