المخرج بيتر ميمي يكشف كواليس إختيار الوجوه الشابة في مسلسل الحشاشين

 تحدث  المخرج بيتر ميمي عن كواليس إختياره  للوجوه الشابة   التي ظهرت في مسلسل الحشاشين وهم الفنان أحمد عبد الوهاب وسارة الشامي  ومحمد يوسف مشيدا  بالفنان كريم عبد العزيز وحرصه على ميلاد وجوه فنية،  قائلاً: " دور أحمد عبد الوهاب إحترنا فيه جداً وتعبنا جداً في إختياره وكنت قاعد في قعدة وطرح إسم أحمد الوهاب  مرتين إعتبرت ذلك علامه وطلبت  الاتصال به  لاجراء  إختبار  لبعض المشاهد لان الدور مهم وكبير جداً  وطلبت نعمل " كاستنج " مكنش عاوز يجي وداليا مراته أقنعته ".

تابع خلال   لقاء عبر  برنامج  "كلمة أخيرة" الذي تقدمه الإعلامية لميس الحديدي على شاشة  ON:"   وعندما شاهدته قلت فوراً هو ده "يحيي" وكلمته  وقعدت معاه أول مرة  وتحدثت عن الدور وجاء تاني يوم إعتذر عن المسلسل،  وقال: "ده دور كبير وأنا خايف ابوظ المسلسل"، أكمل: " أقنعته وقلتله إنت أحسن حد هيعمله ونقف جمب بعض والدنيا هتمشي".

وعن إختيار سامي الشامي في دور "نورهان" قال: "سارة كلمتها وحكتلها عن الدور  كانت مخضوضة شوية لكن متحمسة والدنيا مشيت معاها  مشهد ورا مشهد".

وعن إختيار  محمد يوسف  الشهير بأوزو قال : "إشتغلنا  مع بعض قبل كده في الاختيار 1 وهو من قتل  المنسي  وأنا سعيد بأداء الثلاثة  لانهم معملوش حاجة عادية بل مبهرة ".

مشيدأ  بالفنان كريم عبد العزيز وتبنيه للوجوه الشباب  قال: "علشان يبقى فيه جيل جديد لازم يكون فيه نجم يقبل ده وده اللي حصل  مع كريم عبد العزيز وهو  نجم كبير، وعايز يكون فيه نجوم تانيين في الفن ويقدمهم وفيه نجوم تانية مش بتحب تعمل ده".